ଟ୍ରମ୍ପଙ୍କୁ ନୋବେଲ ଶାନ୍ତି ପୁରସ୍କାର ମିଳୁ : ଆମେରିକୀୟ ସାଂସଦଙ୍କ ଦାବି

ଓ୍ବାସିଂଟନ: ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧବିରତି ପାଇଁ ମଧ୍ୟସ୍ଥତା କରିବାରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭୂମିକା ପାଇଁ ତାଙ୍କୁ ନୋବେଲ ଶାନ୍ତି ପୁରସ୍କାର ମିଳୁ ବୋଲି ଜଣେ ଆମେରିକୀୟ ସାଂସଦ ପାଇଁ ମନୋନୀତ କରାଯାଇଛି। ଆମେରିକାର ହାଉସ ପ୍ରତିନିଧି ବଡି କାର୍ଟର ମଧ୍ୟପ୍ରାଚ୍ୟ ବିବାଦର ସମାଧାନରେ ଟ୍ରମ୍ପଙ୍କ ଭୂମିକା ବର୍ଣ୍ଣନା କରି ନୋବେଲ ଶାନ୍ତି ପୁରସ୍କାର କମିଟିକୁ ଏକ ଚିଠି ଲେଖିଛନ୍ତି।

ଫକ୍ସ ନ୍ୟୁଜ୍ ରିପୋର୍ଟ ଅନୁଯାୟୀ, କାର୍ଟର କହିଛନ୍ତି, "ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନେତୃତ୍ୱ ଇସ୍ରାଏଲ ଏବଂ ଇରାନ ମଧ୍ୟରେ ସଂଘର୍ଷ ସମାପ୍ତ କରିବାରେ ସାହାଯ୍ୟ କରିଥିଲା ଏବଂ ବିଶ୍ୱର ସବୁଠାରୁ ବଡ଼ ରାଷ୍ଟ୍ର-ପ୍ରାୟୋଜିତ ଆତଙ୍କବାଦୀ ଦେଶକୁ ପରମାଣୁ ଅସ୍ତ୍ର ହାସଲ କରିବାରୁ ରୋକିଥିଲା।"

ଏହା ପ୍ରଥମ ଥର ନୁହେଁ ଯେ ଆମେରିକା ଭିତରେ ଡୋନାଲ୍ଡ ଟ୍ରମ୍ପଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ କରିବାକୁ ଦାବି ହୋଇଛି। ଏହି ବର୍ଷ ଆରମ୍ଭରେ, ଆମେରିକାର ସାଂସଦ ଡାରେଲ ଇସା ମଧ୍ୟ ଟ୍ରମ୍ପଙ୍କୁ ୨୦୨୪ ନିର୍ବାଚନ ବିଜୟର ବିଶ୍ୱବ୍ୟାପୀ ପ୍ରଭାବ ଉଲ୍ଲେଖ କରି ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରିଥିଲେ। ସେହିପରି ନିକଟରେ ପାକ ସେନାମୁଖ୍ୟ ଅସିମ ମୁନୀର ମଧ୍ୟ ଭାରତ-ପାକ୍ ଯୁଦ୍ଧବିରତି ପାଇଁ ନୋବେଲ ପୁରସ୍କାର ପାଇଁ ଯୋଗ୍ୟ ବୋଲି ଘୋଷଣା କରିଥିଲେ ।