ଧମକପୂର୍ଣ୍ଣ ଟ୍ୱିଟ ସହ ଶୁଭେଚ୍ଛା ଜଣାଇଲେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ
ନୂଆଦିଲ୍ଲୀ: ନୂଆବର୍ଷର ଶୁଭେଚ୍ଛା ସହ ଧମକପୂର୍ଣ୍ଣ ଟ୍ୱିଟ | ଇରାନ ପାଇଁ କିଛି ଏଭଳି ଟ୍ୱିଟ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ | ଟ୍ୱିଟ ମାଧ୍ୟମରେ ଶୁଭେଚ୍ଛା ଜଣାଇ ଇରାନକୁ ଚେତାବନୀ ଦେଇଛନ୍ତି । ସୂଚନାନୁସାରେ, ଇରାନର ବଗଦାଦ୍ ସ୍ଥିତ ଆମେରିକୀ ଦୂତାବାସ ବାହାରେ ହଜାର ହଜାର ସଂଖ୍ୟକ ଇରାନ ସମର୍ଥକ ବିକ୍ଷୋଭ ପ୍ରଦର୍ଶନ କରୁଛନ୍ତି । କେବଳ ସେତିକି ନୁହେଁ ବିକ୍ଷୋଭକାରୀମାନେ ପଥର ଫୋପାଡି, ଦୂତାବାସ ଭିତରକୁ ପ୍ରବେଶ କରିବାକୁ ଉଦ୍ୟମ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
….Iran will be held fully responsible for lives lost, or damage incurred, at any of our facilities. They will pay a very BIG PRICE! This is not a Warning, it is a Threat. Happy New Year!
— Donald J. Trump (@realDonaldTrump) December 31, 2019
ଏହି ଘଟଣାକୁ ନେଇ ଡୋନାଲ୍ଡ ଟ୍ରମ୍ପ କ୍ଷୋଭ ପ୍ରକାଶ କରିଛନ୍ତି । ସେ ଇରାନକୁ ଧମକ ଦେବା ସହ କହିଛନ୍ତି , ଆମେରିକା ଦୂତାବାସରେ ରହୁଥିବା କୌଣସି ସଦସ୍ୟଙ୍କର ଯଦି କିଛି କ୍ଷତି ହୁଏ ତେବେ ପରିଣାମ ଖୁବ୍ ଗମ୍ଭୀର ହେବ । ଏହାକୁ ଚେତାବନୀ ନୁହଁ, ଧମକ ଭାବନ୍ତୁ ବୋଲି ଲେଖିଛନ୍ତି । ଏହା ସହ ଟ୍ରମ୍ପ୍ ନବବର୍ଷର ଶୁଭେଚ୍ଛା ମଧ୍ୟ ଜଣାଇଛନ୍ତି ।
ତେବେ ଡୋନାଲ୍ଡ ଟ୍ରମ୍ପ ଟ୍ୱିଟ କରି ଇରାନସ୍ଥିତ ଆମେରିକୀ ଦୂତାବାସ ସୁରକ୍ଷିତ ଥିବା କହିଛନ୍ତି । ଯବାନମାନଙ୍କୁ ଦୂତାବାସ ଚାରିପାଖରେ ନିୟୋଜିତ କରାଯାଇଛି । ଏଥି ସହିତ ସେ ଇରାନର ରାଷ୍ଟ୍ରପତି , ପ୍ରଧାନମନ୍ତ୍ରୀଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି । କାରଣ ସେମାନେ ଘଟଣା ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।