ମୋଦୀଙ୍କୁ ନିଆରା ଉପହାର ଦେଲେ ଆମେରିକା ରାଷ୍ଟ୍ରପତି ଟ୍ରମ୍ପ୍‌

ୱାଶିଂଟନ: ଗୁରୁବାର ଦିନ ଆମେରିକାରେ ଯାଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ଟ୍ରମ୍ପ୍‌ଙ୍କୁ ଭେଟିଥିବା ବେଳେ ଟ୍ରମ୍ପ୍‌ ତାଙ୍କୁ ଏକ ପୁସ୍ତକ ଉପହାର ଦେଇଛନ୍ତି। ପୁସ୍ତକରେ ମୋଦୀ ଓ ଟ୍ରମ୍ପ୍‌ଙ୍କର ଅନେକ ଫଟୋ ରହିଛି। ପୁସ୍ତକରେ ଟ୍ରମ୍ପ୍‌ ଦସ୍ତଖତ କରିବା ସହ ‘ମିଷ୍ଟର୍‌ ପ୍ରାଇମ୍‌ ମିନିଷ୍ଟର୍‌ ୟୁ ଆର୍‌ ଗ୍ରେଟ୍‌’ ବୋଲି ଲେଖିଛନ୍ତି। ପୁସ୍ତକର ନାମ ହେଉଛି ‘ଆୱାର୍‌ ଜର୍ଣ୍ଣି ଟୁଗେଦର୍‌’। 

ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳର ବର୍ଣ୍ଣନା କରୁଥିବା ଏହି ଫଟୋ ପୁସ୍ତକରେ ପ୍ରମୁଖ ଘଟଣାଗୁଡ଼ିକର ଚିତ୍ର ରହିଛି, ଯେଉଁଥିରେ ପ୍ରଧାନମନ୍ତ୍ରୀ ମୋଦୀଙ୍କ ସହ ଟ୍ରମ୍ପ୍‌ଙ୍କୁ ଦେଖିବାକୁ ମିଳିଛି। 

ପ୍ରଧାନମନ୍ତ୍ରୀ ମୋଦୀଙ୍କୁ ଟ୍ରମ୍ପ ଉଷ୍ମ ଆଲିଙ୍ଗନ କରି ସ୍ବାଗତ କରିଥିଲେ। ଏକ ମିଳିତ ସାମ୍ବାଦିକ ସମ୍ମିଳନୀ ସମୟରେ ଟ୍ରମ୍ପ ବ୍ୟକ୍ତିଗତ ଭାବରେ ଭାରତୀୟ ନେତାଙ୍କ ପାଇଁ ପୁସ୍ତକରେ ସ୍ୱାକ୍ଷର କରିଥିଲେ, ଯେଉଁଥିରେ ଲେଖାଥିଲା, "ଶ୍ରୀଯୁକ୍ତ ପ୍ରଧାନମନ୍ତ୍ରୀ ଆପଣ ମହାନ।"

ଟ୍ରମ୍ପ ପୁସ୍ତକଟି ଓଲଟାଇ ପ୍ରଧାନମନ୍ତ୍ରୀଙ୍କୁ ଆମେରିକା ରାଷ୍ଟ୍ରପତିଙ୍କ ୨୦୨୦ ଭାରତ ଯାତ୍ରା ସମୟରେ "ନମସ୍ତେ ଟ୍ରମ୍ପ" ରାଲିର ଫଟୋ ଏବଂ ତାଜମହଲ ସମ୍ମୁଖରେ ମେଲାନିଆ ଟ୍ରମ୍ପଙ୍କ ସହିତ ତାଙ୍କର ଏକ ଫଟୋ ଦେଖାଇଲେ।

ଆମେରିକା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏହି ଗସ୍ତ ସମୟରେ ସେ ବିଭିନ୍ନ ପ୍ରସଙ୍ଗରେ ଉଭୟ ନେତା ଗୁରୁତ୍ବପୂର୍ଣ୍ଣ ଆଲୋଚନା କରୁଛନ୍ତି । ଦୁଇ ବିଶ୍ବ ନେତା ୱାନ ଟୁ ୱାନ ଆଲୋଚନା କରିବା ପରେ ଚିନ୍ତାରେ ପାକିସ୍ତାନ-ବାଂଲାଦେଶ ଓ ଚୀନ ।