ବାୟୁସେନା କେବଳ ସେନାର ଏକ ସହାୟକ ବାହିନୀ ନୁହେଁ… ସିଡିଏସଙ୍କ ବୟାନକୁ ନେଇ ବାୟୁସେନାରେ ଅସନ୍ତୋଷ
ନୂଆଦିଲ୍ଲୀ : ପ୍ରତିରକ୍ଷା ମୁଖ୍ୟ ବା ଚିଫ ଅପ ଡିଫେନ୍ସ ଷ୍ଟାଫ (ସି଼ଡିଏସ) ଜେନେରାଲ ବିପିନ ରାଓ୍ବତଙ୍କ ଏକ ବୟାନକୁ ନେଇ ଭାରତୀୟ ପ୍ରତିରକ୍ଷା ବାହିନୀର ଦୁଇଟି ପ୍ରମୁଖ ଅଂଗ ସେନା ଓ ବାୟୁସେନା ମଧ୍ୟରେ ମତଭେଦ ସୃଷ୍ଟି ହୋଇଛି ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଜେନେରାଲ ରାଓ୍ବତ କହିଥିଲେ ଯେ ଭାରତୀୟ ବାୟୁସେନା ଭାରତୀୟ ସେନାର ଏକ ସହାୟକ ବାହିନୀ ଭାବେ ରହି ଆସିଛି । ସେନାର ଯେପରି ଆର୍ଟିଲାରୀ ୟୁନିଟ୍, ଇଂଜିନିୟରିଂ ୟୁନିଟ ରହିଛି, ବାୟୁସେନା ସେହିପରି ଏକ ସହାୟକ ବାହିନୀ । ଏହା ଗ୍ରାଉଣ୍ଡ ଫୋର୍ସକୁ ସହାୟତା ଯୋଗାଇଥାଏ । କିନ୍ତୁ ସେମାନଙ୍କର କେତେକ ସ୍ବତନ୍ତ୍ର ଦାୟିତ୍ବ ରହିଛି । ଯେପରିକି ବାୟୁ ସୁରକ୍ଷା କରିବା ଓ ସେନାକୁ ସହାୟତା କରିବା । ଏହାକୁ ସେମାନେ (ବାୟୁସେନା) ବୁଝିବା ଆବଶ୍ୟକ ।
ତେବେ ସିଡିଏସଙ୍କ ଏହି ବୟାନର ବିରୋଧ କରିଛନ୍ତି ବାୟୁସେନା ମୁଖ୍ୟ ଏୟାର ଚିଫ ମାର୍ସାଲ ଆରକେଏସ ଭାଦୁରିଆ । ସେ କହିଛନ୍ତି ଆଧୁନିକ ଇଣ୍ଟିଗ୍ରେଟେଡ୍ ଯୁଦ୍ଧ କ୍ଷେତ୍ରରେ ବାୟୁ ଶକ୍ତିର ସବୁଠାରୁ ମହତ୍ବପୂର୍ଣ୍ଣ ଭୂମିକା ରହିଛି । କେବଳ ସେନାକୁ ସହାୟତା ନୁହେଁ ଏହା ଆହୁରି ଅନେକ କିଛି ଗୁରୁତ୍ବପୂର୍ଣ୍ଣ ଭୂମିକା ଓ ଦାୟିତ୍ବ ରହିଛି । ଗୋଟିଏ ଏୟାର ପ୍ଲାନ କରିବା ବେଳେ ଏନେକକିଛି ଯୋଜନା କରିବାକୁ ପଡ଼ିଥାଏ । ଆମକୁ ଏହାକୁ ବୁଝିବାକୁ ପଡ଼ିବ ।