ତୁର୍କୀ ହାତରେ ଧରାପଡ଼ିଛନ୍ତି ଅବୁ ବାକର୍‌ ଅଲ୍‌-ବଗ୍‌ଦାଦିଙ୍କ ପତ୍ନୀ

ଅଙ୍କାରା: ଇସ୍‌ଲାମିକ୍‌ ଷ୍ଟେଟ୍‌ ଗ୍ରୁପ୍‌ର ନିହତ ନେତା ଅବୁ ବାକର୍‌ ଅଲ୍‌-ବାଗ୍‌ଦାଦିଙ୍କ ପତ୍ନୀ ତୁର୍କୀ ହାତରେ ଧରାପଡ଼ିଥିବା କଥା ବୁଧବାର ଦିନ ତୁର୍କୀର ରାଷ୍ଟ୍ରପତି ରେଜେପ୍ପୁ ତାଇପୁ ଏରୁଦୋଆଁ କହିଛନ୍ତି।

ରାଜଧାନୀ ଅଙ୍କାରା ଠାରେ ଭାଷଣ ଦେବା ସମୟରେ ଏରୁଦୋଆଁ ଏକଥା ଘୋଷଣା କରିଥିଲେ ବି ଏ ବିଷୟ ଆଉ ବିଶେଷ କିଛି କହି ନ ଥିଲେ। ସେ ମହିଳାଙ୍କୁ କେତେବେଳେ ଓ କେମିତି ଧରିଲେ କିଂବା ତାଙ୍କ ନାଁ କେମିତି ଜାଣିଲେ- ସେକଥା ରାଷ୍ଟ୍ରପତି କହି ନାହାନ୍ତି।

ଅଲ୍‌-ବଗ୍‌ଦାଦିଙ୍କର ଚାରି ଜଣ ପତ୍ନୀ ଥିବା କଥା ଶୁଣାଯାଏ। ନୌର୍‌ ନାମ୍ନା ତାଙ୍କର ଜଣେ ଇରାକୀୟ ପତ୍ନୀ ମଧ୍ୟ ଅଛନ୍ତି। ୨୦୧୪ରେ ମଧ୍ୟ ବଗ୍‌ଦାଦିଙ୍କର ଜଣେ ପୂର୍ବତନ ପତ୍ନୀଙ୍କୁ ଗିରଫ କରାଯାଇଥିଲା।

ବଗ୍‌ଦାଦିଙ୍କୁ ହତ୍ୟା ଖବରକୁ ପ୍ରଚାର ଅଭିଯାନ ଭଳି ବ୍ୟବହାର କରୁଥିବା ଯୁକ୍ତରାଷ୍ଟ୍ର ଆମେରିକାକୁ ସମାଲୋଚନା କରି ଏରୁଦୁଆଁ କହିଲେ: ଆମେ ତାଙ୍କ ପତ୍ନୀଙ୍କୁ ଧରିଛୁ, କିନ୍ତୁ ସେ ବିଷୟରେ ଆମେ ରାଷ୍ଟ୍ର କରି ନାହୁଁ। ପ୍ରଥମ ଥର ଲାଗି ସେ କଥା ମୁଁ ଏଠାରେ ଘୋଷଣା କରୁଛି।

ଅଜାଜ୍‌ ସହରରୁ ଅଲ୍‌-ବଗ୍‌ଦାଦିଙ୍କ ବଡ଼ଭଉଣୀ ରସ୍‌ମିୟା ଆଓ୍ଵାଦଙ୍କୁ ତୁର୍କୀୟ ସେନା ଧରିବାର ଦିନକ ପରେ ଏରୁଦୁଆଁ ଏ ଭଳି ଘୋଷଣା କରିଛନ୍ତି। ୬୫ ବର୍ଷୀୟ ଆଓ୍ଵାଦ୍‌ ତାଙ୍କ ସ୍ୱାମୀ, ବୋହୂ ଏବଂ ପାଞ୍ଚଜଣ ପିଲାଙ୍କ ସହ ରହୁଛନ୍ତି। ସେ ଚରମପନ୍ଥୀମାନଙ୍କ ସଙ୍ଗଠନରେ ଯୋଗ ଦେଇଛନ୍ତି ବୋଲି ସନ୍ଦେହ କରାଯାଉଛି।