ନୂଆଦିଲ୍ଳୀ: ଭାରତ-ପାକ୍‌ ଉତ୍ତେଜନାରେ ଦୋମୁହାଁ କାର୍ଯ୍ୟକଳାପ ଆପଣାଇଥିବା  କିଛି ଦେଶ ଗୁଡିକର ମୁଖା ଖୋଲିଛି ।  ଏହି  ଦେଶମାନଙ୍କ ମଧ୍ୟରେ  ତୁର୍କୀର ବେଇମାନ କାର୍ଯ୍ୟକଳାପ ସାମ୍ନାକୁ ଆସିଥିଲା । ଏହାପରେ ନିଜେ ନିଜର ମୁଖା ଖୋଲିଦେଇଥିଲା ତୁର୍କୀ । ଭାରତ ପ୍ରତି ତୁର୍କୀର ଆଭିମୁଖ୍ୟ ସ୍ପଷ୍ଟ ଜଣାପଡିଲା  ଭାରତ– ପାକ୍‌ ଉତ୍ତେଜନାରେ । ଏହାପରେ ଏବେ କଠୋର ହୋଇଛି ଭାରତ । ଭାରତର  ଶତ୍ରୁ ଦେଶ ସହ ହାତ ମିଶାଇ ଏବେ ତାର ପରିଣାମ ଭୋଗୁଛି ତୁର୍କୀ । ତୁର୍କୀକୁ ଭାରତ ତରଫରୁ  ଜୋରଦାର ଆର୍ଥିକ ଝଟକା ଲାଗିଛି ।

Advertisment

ମାତ୍ର ଦୁଇ ଦିନରେ ତୁର୍କୀକୁ  ପହଞ୍ଚିଛି ୨୫୦୦ ଶହ କୋଟିର କ୍ଷତି । ପାକିସ୍ତାନ ସହିତ ତୁର୍କୀର ସମ୍ପର୍କକୁ ନଜରରରେ ରଖି ଜାତୀୟ ସୁରକ୍ଷା କାରଣରୁ  ଭାରତ-ତୁର୍କୀ ଭିତ୍ତିକ  ବିମାନବନ୍ଦର ଗ୍ରାଉଣ୍ଡ ହ୍ୟାଣ୍ଡଲିଂ କମ୍ପାନୀ ସେଲେବି ହାଭା ସର୍ଭିସ୍‌ର ସହାୟକ କମ୍ପାନୀଗୁଡିକର ସୁରକ୍ଷା କ୍ଲିୟରାନ୍ସ ବାତିଲ କରିଥିଲା । ଭାରତର ଏହି ପଦକ୍ଷେପରେ ତୁର୍କୀରେ କାର୍ଯ୍ୟ କରୁଥିବା  ଗ୍ରୁପର ସମସ୍ତ ସମ୍ପୃକ୍ତ ୟୁନିଟ୍‌ଗୁଡିକୁ ପ୍ରଭାବିତ କରିଥିଲା । ଗତ ସପ୍ତାହରେ ଭାରତ-ପାକିସ୍ତାନ ବିବାଦ ସମୟରେ  ତୁର୍କୀ ପାକିସ୍ତାନକୁ  ସମର୍ଥନ  କରିବା  ପରେ ଭାରତୀୟ କର୍ତ୍ତୃପକ୍ଷଙ୍କ  ଦ୍ବାରା  ଏହି କାର୍ଯ୍ୟାନୁଷ୍ଠାନ ନିଆଯାଇଛି ।   

ଯାହାପରେ  ଦୁଇଦିନରେ କମ୍ପାନିର ସେୟାର ମୂଲ୍ୟରେ  ପ୍ରାୟ ୨୦ ପ୍ରତିଶତ ହ୍ରାସ ଘଟିଥିଲା । ଏହି ସ୍ଥିତି ଯୋଗୁଁ  ଦୁଇ ଦିନରେ ମୋଟ୍‌ କମ୍ପାନି ବଜାର ମୂଲ୍ୟରେ  ୨୫୦୦ ଶହ କୋଟି ଟଙ୍କାରୁ  ଅଧିକ କ୍ଷତି ସହିଛି ।  ଏତେ  କ୍ଷତି ସହିବା ପରେ ସେଲେଭି ଏୟାରପୋର୍ଟ ସର୍ଭିସେସ୍‌ ଇଣ୍ଡିଆ ବାତିଲ୍‌ ଆଦେଶକୁ  ରଦ୍ଦ କରିବା ପାଇଁ  ଦିଲ୍ଳୀ ହାଇକୋର୍ଟର ଦ୍ବାରସ୍ଥ ହୋଇଛି ।  

ଭାରତର କାର୍ଯ୍ୟାନୁଷ୍ଠାନରେ କମ୍ପାନି କହିଛି ଭାରତ ସରକାରଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିବା ପାଇଁ  ସମସ୍ତ ପ୍ରଶାସନିକ ଏବଂ ଆଇନ୍‌ଗତ ପଦକ୍ଷେପ ଗ୍ରହଣ କରିବ ।  ଭାରତର ଏପରି କାର୍ଯ୍ୟାନୁଷ୍ଠାନରେ ଏବେ ଚିନ୍ତାରେ ତୁର୍କୀ ।  ପାକିସ୍ତାନକୁ ସହାୟତା  କରି  ଭାରତଠାରୁ ଆର୍ଥିକ ପ୍ରହାରର ସାମ୍ନା କରୁଛି  ଦେଶ ।  

ଭାରତ-ପାକ୍‌ ଉତ୍ତେଜନାରେ  ତୁର୍କୀ ପାକିସ୍ତାନକୁ ଡ୍ରୋନ୍‌ ଯୋଗାଇ ଭାରତ ବିରୋଧୀ କାର୍ଯ୍ୟକଳାପକୁ ସମର୍ଥନ କରିଛି, ଯାହା ଜାତୀୟ ସୁରକ୍ଷା ପାଇଁ ବିପଦ । ଖାଲି ସେତିକି ନୁହେଁ ଯୁଦ୍ଧ ସ୍ଥିତି ବେଳେ ପାକିସ୍ତାନରୁ ଆସୁଥିବା ଡ୍ରୋନ୍ ସବୁ ତୁର୍କୀର ବୋଲି ଜଣାପଡ଼ିଥିଲା। ତୁର୍କୀର ସଂପୃକ୍ତିର ବଦଲା ନେବାକୁ ଭାରତ ଅଣ୍ଟା ଭିଡିଛି ।  କାହାକୁ ବି ଛଡାଯିବନି, ଯିଏ ଆତଙ୍କବାଦକୁ ପ୍ରଶ୍ରୟ ଦେବ, ଆତଙ୍କବାଦୀଙ୍କୁ ସହଯୋଗ କରିବ ଆତଙ୍କୀଙ୍କୁ ପୋଷୁଥିବା ଦେଶକୁ ସମର୍ଥନ ଦେବ ତାର କଡା ଜବାବ ଦିଆଯିବ। କଡା ଗଣ୍ଡା ହିସାବ କରି ପ୍ରତିଶୋଧ ନିଆଯିବ ।