‘ରାଷ୍ଟ୍ରପତି-ନିର୍ବାଚିତ ବାଇଡେନ୍’ ପୋଷ୍ଟ୍କୁ ଅସମୟ ଭାବେ ଚିହ୍ନିତ କଲା ଟ୍ବିଟର୍
ସାନ୍ ଫ୍ରାନ୍ସିସ୍କୋ: ‘ରାଷ୍ଟ୍ରପତି-ନିର୍ବାଚିତ ବାଇଡେନ୍’ (ପ୍ରେସିଡେଣ୍ଟ୍-ଇଲେକ୍ଟ୍ ବାଇଡେନ୍) ପୋଷ୍ଟ୍କୁ ଶୁକ୍ରବାର ଦିନ ଟ୍ବିଟର୍ ଅସମୟ ଭାବେ ଚିହ୍ନିତ କରିବାର କାରଣ ହେଉଛି, କେତେକ ପ୍ରମୁଖ ରାଜ୍ୟରେ ଡେମୋକ୍ରାଟ୍ ଡୋନାଲ୍ଡ୍ ଟ୍ରମ୍ପ୍ ଆଗୁଆ ରହିବା ସହ ଭୋଟ୍ ଗଣତି ଚାଲିଥିଲା।
Sambad is now on WhatsApp
Join and get latest news updates delivered to you via WhatsApp
ପୂର୍ବତନ ଉପରାଷ୍ଟ୍ରପତି ବାଇଡେନ୍ଙ୍କୁ ‘ରାଷ୍ଟ୍ରପତି-ନିର୍ବାଚିତ’ ଏବଂ କମଳା ହ୍ୟାରିସ୍ଙ୍କୁ ‘ଉପରାଷ୍ଟ୍ରପତି-ନିର୍ବାଚିତ’ ଶିରୋନାମାରେ ଚିହ୍ନିତ କରି ପୋଷ୍ଟ୍ କରାଯାଇଥିବା ଟୁଇଟ୍ଗୁଡ଼ିକରେ, ଟୁଇଟର୍ ଉଲ୍ଲେଖ କରିଥିଲା ଯେ, ଭୋଟ୍ ଗଣତି ସରିନାହିଁ।
‘ଡେମୋକ୍ରାଟିକ୍ କୋଆଲିସ୍ନ’ର ସହ-ସଂସ୍ଥାପକ ଏବଂ ପୋଷ୍ଟ୍କାର୍ଡ ପ୍ରେରକ ସ୍କଟ୍ ଡ୍ୟୋର୍କିନ୍ ଏହାକୁ ପୋଷ୍ଟ୍ କରିଥିଲେ। ପରେ ସେ ଏହାକୁ ଦେଖି ବିଦ୍ରୂପ କରି ଏକ ମେସେଜ୍ ପୋଷ୍ଟ୍ କରିଥିଲେ ଯେ, ଏହାକୁ ଟୁଇଟ୍ କରିବା ବେଳେ ସେମାନେ ବୋଧହୁଏ ନିର୍ବାଚନ ପ୍ରଚାର ଅଭିଯାନ ସହ ଯୋଗାଯୋଗ କରି ନାହାନ୍ତି। ଏହାପରେ ଟୁଇଟର୍କୁ ନିର୍ବାଚନର ସ୍ଥିତି ସମ୍ବନ୍ଧରେ ‘ଲିଙ୍କ୍’ ଥିବା ନୋଟିସ୍ ଆସିଥିଲା।
ଏଥିରେ ପ୍ରତିକ୍ରିୟା ପ୍ରକାଶ କରି ଟୁଇଟର୍ କହିଥିଲା କି, ରାଜ୍ୟ ନିର୍ବାଚନ ଅଧିକାରୀ କିଂବା ସ୍ବାଧୀନ ନିଷ୍ପତ୍ତି ନିମନ୍ତେ ଡେସ୍କ୍ ଥିବା ଅନ୍ୟୂନ ଦୁଇଟି ଜାତୀୟସ୍ତରର ଗଣମାଧ୍ୟମ ସମର୍ଥନ କରୁଥିବା ଭୋଟ୍ ଫଳାଫଳକୁ ଟୁଇଟର୍ ଔପଚାରିକ ବୋଲି ବିଚାର କରିବ।