ପାକିସ୍ତାନ ରାଷ୍ଟ୍ରପତି ବି ମିଛୁଆ ! ମିଛ ଟ୍ଵିଟ ପରେ ନୋଟିସ୍ ଜାରି କଲା ଟ୍ଵିଟର
ଇସ୍ଲାମାବାଦ : ଜମ୍ମୁ ଓ କଶ୍ମୀରରୁ ଭାରତ ସରକାର ଧାରା ୩୭୦ ଉଚ୍ଛେଦ କରିବା ପରେ ପାକିସ୍ତାନ ହତାସ ହୋଇପଡିଛି । ଅନ୍ତର୍ଜାତୀୟ ସମୁଦାୟ, ଜାତିସଂଘ ସବୁଆଡୁ ବିଫଳ ହେବା ପରେ ପାକିସ୍ତାନ ଏବେ ଭାରତ ବିରୋଧରେ ମିଥ୍ୟାପ୍ରଚାର ବା ପ୍ରୋପାଗେଣ୍ଡା ଯୁଦ୍ଧ ଚଳାଇଛି । ପାକିସ୍ତାନର ପ୍ରାୟ ସବୁ ନେତା ଭାରତ ବିରୋଧରେ ମିଛ କହିବାରେ ଲାଗିଛନ୍ତି । ଅବଶ୍ୟ ମିଛ କହିବା ପାକିସ୍ତାନର ଏକ ପରମ୍ପରା ରହିଆସିଛି । ଏପରିକି ପାକିସ୍ତାନ ରାଷ୍ଟ୍ରପତି ଅରିଫ ଆଲଭି ମଧ୍ୟ ଏଥିରୁ ବାଦ ପଡିନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ସେ କଶ୍ମୀର ଉପରେ କରିଥିବା ଏକ ଟ୍ଵିଟକୁ ନେଇ ଟ୍ଵିଟର ପକ୍ଷରୁ ତାଙ୍କୁ ନୋଟିସ ଜାରି କରି ତାଗିଦ କରାଯାଇଛି । ଏକ ବିକ୍ଷୋଭ ଭିଡିଓ ଜାରି କରି ସେ ଲେଖିଥିଲେ ଯେ ଶ୍ରୀନଗରରେ ଭାରତ ସରକାରଙ୍କ ଦମନ ସତ୍ତ୍ୱେ ଲୋକମାନେ ରାସ୍ତାକୁ ଆସି ପ୍ରବଳ ବିକ୍ଷୋଭ କରୁଛନ୍ତି । କିନ୍ତୁ ପରେ ଜଣାପଡିଥିଲା ଯେ ସେହି ଭିଡିଓଟି ଶ୍ରୀନଗରର ନୁହେଁ, ବରଂ ପାକଅଧିକୃତ କଶ୍ମୀରର ମୁଜାଫରାବାଦରେ ହୋଇଥିବା ଏକ ଆନ୍ଦୋଳନର ଭିଡିଓ । ତେବେ ଟ୍ଵିଟର ଏହି ଟ୍ଵିଟ ସଂପର୍କରେ ଏକ ତଦନ୍ତ କରବା ସହ ଏହା କୌଣସି ସର୍ତ୍ତାବଳୀ ଉଲ୍ଲଙ୍ଘନ କରୁନଥିବା ଦର୍ଶାଇଛି । ଏଥିପାଇଁ ଅଲଭିଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ ।