ପୁଣି କରୋନା ସଂକ୍ରମିତ ହେଲେ ୬ ମାସ ତଳେ ସୁସ୍ଥ ହୋଇଥିବା ଚୀନର ଦୁଇ ବ୍ୟକ୍ତି
ବେଜିଂ : ଚୀନରେ ଦୁଇଟି ନୂଆ କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ତେବେ କେତେକ ଦୃଷ୍ଟିରୁ ଏହି ଦୁଇଟି ନୂଆ ସଂକ୍ରମଣ ମାମଲାକୁ ବେଶ ଗୁରୁତ୍ୱ ଦିଆଯାଉଛି ଓ ଚିନ୍ତା ମଧ୍ୟ ପ୍ରକଟ କରାଯାଉଛି । କାରଣ ଯେଉଁ ଦୁଇଜଣ ବ୍ୟକ୍ତି ସଂକ୍ରମିତ ହୋଇଛନ୍ତି, ସେମାନେ କିଛିମାସ ତଳେ ସଂକ୍ରମିତ ହୋଇ ଆରୋଗ୍ୟଲାଭ କରିଥିଲେ । ଏହା ଦ୍ୱାରା ସଂଦେହ କରାଯାଉଛି ଯେ ଏହି ଭୁତାଣୁ ପୁଣି ଥରେ ଆରୋଗ୍ୟ ହୋଇଯାଇଥିବା ଲୋକଙ୍କୁ ଆକ୍ରାନ୍ତ କରୁଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ କରୋନା ଭାଇରସର ଉତ୍ପତ୍ତିସ୍ଥଳ ଉହାନରେ ଜଣେ ୬୮ ବର୍ଷୀୟ ମହିଳା ପୁଣି ଥରେ କରୋନା ପଜିଟିଭ ଚିହ୍ନଟ ହୋଇଛନ୍ତି । ୬ ମାସ ତଳେ ସେ କରୋନା ସଂକ୍ରମିତ ହୋଇ ଆରୋଗ୍ୟ ଲାଭ କରିଥିଲେ ଓ ତାଙ୍କ ନମୁନା ନେଗେଟିଭ ବାହାରିଥିଲା । ସେହିପରି ଆଉ ଜଣେ ବ୍ୟକ୍ତି, ଯିଏକି ଗତ ଏପ୍ରିଲ ମାସରେ କରୋନା ସଂକ୍ରମିତ ହୋଇ ସୁସ୍ଥ ହୋଇଥିଲେ, ପୁଣି ଥରେ ସଂକ୍ରମିତ ହୋଇଛନ୍ତି ।
ପୂର୍ବରୁ କରୋନା ସଂକ୍ରମିତ ହୋଇ ଆରୋଗ୍ୟ ହେବା ପରେ ପୁଣି ଥରେ ସଂକ୍ରମିତ ହେବା ସାରା ବିଶ୍ୱର ଗବେଷକମାନଙ୍କୁ ଚିନ୍ତିତ କରିଛି । କାରଣ ଏହା ଦ୍ୱାରା କରୋନା ମହାମାରୀର ଏକ ଦ୍ୱିତୀୟ ଲହରୀ ଆସିବାର ଆଶଙ୍କା ବଢିଯାଇଛି । ତେବେ ଏ ସଂପର୍କରେ ଅଧିକ ଗବେଷଣା ଜାରି ରହିଛି ।