ରାଜସ୍ଥାନ: ଶୋକସଭାରୁ ଫେରୁଥିବା ଦୁଇ ଦମ୍ପତିଙ୍କ ଦୁର୍ଘଟଣାରେ ମୃତ୍ୟୁ
ଜୟପୁର : ରାଜସ୍ଥାନର ଝୁନ୍ଝୁନ୍ ଜିଲ୍ଲାରେ ରବିବାର ଦିନ ଏକ କାର୍ ମୋଟର ସାଇକଲ ଏବଂ ସ୍କୁଟିକୁ ଧକ୍କା ଦେବା ଫଳରେ ଦୁଇ ଦମ୍ପତିଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। ଦିଲ୍ଲୀ-ଫତେହପୁର ରାଜପଥରେ ଥିବା ଡୁମୋଲି ଗ୍ରାମ ନିକଟରେ କାର୍ଟି ଆଗରେ ଯାଉଥିବା ବାଇକ ଓ ସ୍କୁଟି ଉପରେ ଚଢ଼ି ଯାଇଥିଲା। କାର୍ ଡ୍ରାଇଭର ଗାଡି ଛାଡ଼ି ଘଟଣାସ୍ଥଳରୁ ଫେରାର ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ବୁହାନା ଡିଏସ୍ପି ମୁକେଶ ଚୌଧୁରୀ କହିଛନ୍ତି, ଏହି ଦୁର୍ଘଟଣାରେ ପ୍ରାଣ ହରାଇଥବା ସମସ୍ତ ଚାରିଜଣ ସିଙ୍ଗାନା ନିକଟରେ ଏକ ଶୋକସଭାରେ ଯୋଗଦେଇ ଫେରୁଥିଲେ । ମୃତକମାନେ ହେଲେ ବିନୋଦ ଜାଙ୍ଗିଦ (୫୫), ତାଙ୍କ ପତ୍ନୀ ବିମଲା (୫୨), ସାଗରମାଲ (୫୦) ଓ ତାଙ୍କ ପତ୍ନୀ ଉର୍ମିଲା (୪୮) । ସମସ୍ତେ ଘନିଷ୍ଠ ସମ୍ପର୍କୀୟ ଅଟନ୍ତି।