ନୂଆଦିଲ୍ଲୀ: ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଦୁଇଟି ବିମାନ ଆକାଶରେ ଧକ୍କା ଖାଇବା ପରେ ଖଣ୍ଡଖଣ୍ଡ ହୋଇ ତଳକୁ ପଡ଼ୁଥିବା ଦେଖିବାକୁ ମିଳୁଛି। 

Advertisment

ସୂଚନାଯୋଗ୍ୟ, ମଙ୍ଗଳବାର ଅପରାହ୍ନରେ ଉତ୍ତର-ପୂର୍ବ ଫ୍ରାନ୍ସରେ ଅଭ୍ୟାସ ସମୟରେ ଦୁଇଟି ସାମରିକ ବିମାନ ଆକାଶରେ ପରସ୍ପର ସହିତ ଧକ୍କା ହୋଇଥିଲା। ଏହି ଦୁର୍ଘଟଣା ପରେ ଦୁର୍ଘଟଣାଗସ୍ତ ବିମାନର ଧ୍ବଂସାବଶେଷ  ଆସି ଭୂମିରେ ପଡ଼ୁଥିବାର ଦେଖିବାକୁ ମିଳିଥିଲା।

ରିପୋର୍ଟ ଅନୁଯାୟୀ, ମଙ୍ଗଳବାର ଦିନ ଅପରାହ୍ନ ୧୫:୪୦ ମିନିଟରେ ଏୟାର ବେସ୍ ୧୧୩ ନିକଟରେ ପ୍ରଶିକ୍ଷଣ ସମୟରେ ଏହି ଭୟଙ୍କର ଦୁର୍ଘଟଣା ଘଟିଥିଲା।

ପାଟ୍ରୋଇଲ୍ ଡି ଫ୍ରାନ୍ସ ଏୟାରସୋ’ ପାଇଁ ୭ଟି ଅଲଫା ଜେଟ୍ ଅଭ୍ୟାସ କରୁଥିବା ବେଳେ ଆକାଶରେ ଦୁଇଟି ବିମାନ ମଧ୍ୟରେ ଧକ୍କା ହୋଇଥିଲା। ଏହି ଭୟଙ୍କର ଦୁର୍ଘଟଣା ପରେ ବିମାନର ପାଇଲଟ ଉପସ୍ଥିତ ବୁଦ୍ଧି ବଳରେ ବିମାନରୁ ପାରାଚୁଟ୍ ସାହାଯ୍ୟରେ ବାହାରି ଆସି ସୁରକ୍ଷିତ ଭାବରେ ଭୂମିରେ ଅବତରଣ କରିଥିଲେ।