ଶ୍ବଶୁରଘରୁ ଫେରୁଥିବା ବେଳେ ସଡ଼କ ଦୁର୍ଘଟଣାରେ ହେଲା ଜ୍ବାଇଁଙ୍କ ମୃତ୍ୟୁ

ନୂଆଦିଲ୍ଲୀ: ଉତ୍ତରପ୍ରଦେଶର ବାନ୍ଦାରେ ଭୟାବହ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଦୁଇଜଣ ସାଙ୍ଗଙ୍କ ମୃତ୍ୟୁ ହୋଇଥିବା ବେଳେ ତୃତୀୟଜଣ ଗୁରୁତର ଆହତ ହୋଇ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହୋଇଛନ୍ତି।

ପୁଲିସ ଏହି ଘଟଣା ସମ୍ପର୍କରେ ଖବର ପାଇ ଦୁର୍ଘଟଣାସ୍ଥଳରେ ପହଞ୍ଚିଥିଲା। ଦୁର୍ଘଟଣାସ୍ଥଳରୁ ପୁଲିସ ୨ଜଣ ମୃତକଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଗୁରୁତର ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲା।

ଗତଗୁରୁବାର ରାତିରେ ମଧ୍ୟପ୍ରଦେଶର ସତନାରୁ ଜଣେ ବ୍ୟକ୍ତି ଶ୍ବଶୁର ଘରୁ ଦୁଇଜଣସାଙ୍ଗଙ୍କ ସହିତ ଘରୁ ଫେରୁଥିଲେ। ଏହି ସମୟରେ ସାମ୍ନାରୁ ଆସୁଥିବା ଏକ ଗାଡ଼ିର ଲାଇଟ ବାଇକ ଚାଳକଙ୍କ ଆଖିରେ ପଡ଼ିଥିଲା। ସେ ଆଗକୁ ଆଉ ରାସ୍ତା ଦେଖି ପାରି ନଥି‌ଲେ। ଫଳରେ ରାସ୍ତାପାର୍ଶ୍ବରେ ଲାଗିଥିବା ଏକ ଗଛରେ ଯାଇ ପିଟି ହୋଇଯାଇଥି‌ଲେ। ଏହି ଦୁର୍ଘଟଣାରେ ଘଟଣାସ୍ଥଳରେ ୨ଜଣଙ୍କ ମୃତ୍ୟୁ ହୋଇଯାଇଥିବା ବେଳେ ତୃତୀୟଜଣ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

ସଡ଼କ ଦୁର୍ଘଟଣାରେ ଦୁଇଜଣ ସାଙ୍ଗଙ୍କ ଏକାଠି ମୃତ୍ୟୁ ପରେ ଗାଁରେ ଶୋକର ପରିବେଶ ସୃଷ୍ଟି ହୋଇଛି। ଦୁଇମୃତକଙ୍କ ପରିବାର ଉପରେ ଦୁଃଖର ପାହାଡ ଭାଙ୍ଗିପଡ଼ିଛି। କେତେ ଖୁସିରେ ଶ୍ବଶୁର ଘରୁ ଖିଆପିଆ ସାରି ଜ୍ବାଇଁ ଘରୁକୁ ଫେରୁଥିଲେ। କିଏ ଜାଣିଥିଲା ଶ୍ବଶୁରଘରୁ ଘରକୁ ଫେରିବା ରାସ୍ତାରେ ଜ୍ବାଇଁ ପାଇଁ ଯମ ଜଗିବସିଥିଲା ବୋଲି ମୃତକଙ୍କ ସମ୍ପର୍କୀୟମାନେ କହୁଛନ୍ତି।