ଅନୁସନ୍ଧାନ କ୍ଷେତ୍ରରେ ଉତ୍କର୍ଷତା ପାଇଁ ଓଡ଼ିଶାର ଦୁଇ ପୋଲିସ ଆରକ୍ଷୀ ଅଧିକ୍ଷକଙ୍କୁ କେନ୍ଦ୍ର ଗୃହମନ୍ତ୍ରୀଙ୍କ ପଦକ
ନୂଆଦିଲ୍ଲୀ: ଅନୁସନ୍ଧାନ କ୍ଷେତ୍ରରେ ଉକ୍ରର୍ଷତା ଲାଗି ୨୦୧୯ ବର୍ଷ ପାଇଁ କେନ୍ଦ୍ର ଗୃହମନ୍ତ୍ରୀଙ୍କ ତରଫରୁ ଦେଶବ୍ୟାପୀ ୯୬ ଜଣ ପୋଲିସଙ୍କୁ ପଦକ ପ୍ରଦାନ କରାଯାଇଛି । ଏଥିରେ ସାମିଲ ଅଛନ୍ତି ଓଡିଶାରୁ ଦୁଇ ଆରକ୍ଷୀ ଅଧିକ୍ଷକ-ଡଃ କନୱର ବିଶାଲ ସିଂ ଓ ମାଡକାର ସନ୍ଦୀପ ସମ୍ପତ । ପଦକ ପାଇଥିବା ପୋଲିସ ଅଧିକାରୀମାନଙ୍କ ମଧ୍ୟରୁ ସର୍ବାଧିକ ୧୫ ଜଣ ରହିଛନ୍ତି ସିବିଆଇରୁ, ୧୧ ଜଣ ମହାରାଷ୍ଟ୍ର ପୋଲିସରୁ, ୧୦ ଜଣ ଉତ୍ତର ପ୍ରଦେଶରୁ, ୯ ଜଣ କେରଳ ପୋଲିସରୁ, ୮ ଜଣ ମଧ୍ୟ ପ୍ରଦେଶ ପୋଲିସରୁ, ୬ ଜଣ ଦିଲ୍ଲୀ ପୋଲିସ ଓ କର୍ଣ୍ଣାଟକ ପୋଲିସରୁ ଏବଂ ଅନ୍ୟମାନେ ବାକି ରାଜ୍ୟ ଓ କେନ୍ଦ୍ରଶାସିତ ଅଂଚଳମାନଙ୍କରୁ । ଏମାନଙ୍କ ମଧ୍ୟରେ ୧୩ ଜଣ ମହିଳା ପୋଲିସ ପଦାଧିକାରୀ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ମେଡାଲ ୨୦୧୮ରୁ ପ୍ରଦାନ କରାଯାଉଛି ଏବଂ ଏହାର ଉଦେ୍ଦଶ୍ୟ ହେଉଛି ଅପରାଧିକ ଅନୁସନ୍ଧାନ ନିମନ୍ତେ ଉଚ୍ଚ ବୃତିଗତ ସ୍ତରକୁ ପ୍ରୋତ୍ସାହିତ କରିବା ଏବଂ ଅନୁସନ୍ଧାନକାରୀ ପଦାଧିକାରୀମାନଙ୍କ ମଧ୍ୟରେ ଥିବା ଏହି ଉକ୍ରର୍ଷତାକୁ ସ୍ୱୀକୃତି ପ୍ରଦାନ କରିବା ।