ଲକ୍ଷ୍ନୌ: ମଞ୍ଚ ଉପରେ ଫଟୋ ଉଠାଇବାକୁ ନେଇ ବିବାହରେ ହୋଇଛି ଗଣ୍ଡଗୋଳ । ଉତ୍ତରପ୍ରଦେଶର ଦେଓରିଆ ଜିଲ୍ଲାର ଏକ ବିବାହ ସମାରୋହରେ ବର ଏବଂ କନ୍ୟା ଘରର ଲୋକଙ୍କ ମଧ୍ୟରେ ଏହି କାରଣକୁ ନେଇ ଲାଗିଗଲା ଝଗଡ଼ା । ବରଣମାଳା ପରେ ଫୋଟୋ ଉଠାକୁ ନେଇ ପରସ୍ପର ମଧ୍ୟରେ ଆରମ୍ଭ ହେଲା ଗଣ୍ଡଗୋଳ । ଝଗଡ଼ାରେ ବର ରାଗିଯାଇ ବିବାହ କରିବାକୁ କରିଦେଇଥିଲେ ମନା ଏବଂ ତା’ପରେ….
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖନୀୟ କଥା ହେଉଛି, ଏହି ଶୋଭାଯାତ୍ରା ରାମପୁର କାରଖାନା ଧୁସରୁ ମାଧବପୁର ଗ୍ରାମକୁ ଆସିଥିଲା । ଦ୍ୱାରପୁଜା ପରେ ବରଯାତ୍ରୀମାନଙ୍କୁ ଚର୍ଚ୍ଚା କରାଯାଇଥିଲା । ଏହାପରେ ବିବାହର କାର୍ଯ୍ୟକ୍ରମ ଆରମ୍ଭ ହୋଇଥିଲା । ଉଭୟ ବର ଏବଂ କନ୍ୟା ମଞ୍ଚରେ ପହଞ୍ଚି ଉଭୟ ପରସ୍ପରକୁ ବରଣମାଳା ପିନ୍ଧାଇଥିଲେ । ବରଣମାଳା ପରେ ଯେମିତି ଫଟୋ ଉଠାଇବା ଆରମ୍ଭ ହେଲା, ସେତିକି ବେଳେ ବର ପକ୍ଷରୁ ଆସିଥିବା କିଛି ଲୋକ ନିଶା କରି ପ୍ରଥମେ ଫଟୋ ଉଠାଇବାକୁ ଜିଦ୍ ଧରିଥିଲେ । ପ୍ରଥମେ ଫଟୋ ଉଠାଇବା ଜିଦ୍ ଧରିବା ହେତୁ ବର ଓ କନ୍ୟା ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା । ଝଗଡ଼ାରେ ବରର ମାମୁ ଓ ଭଉଣୀ ମାଡ଼ ଖାଇଥିବାରୁ ଦୁହିଁଙ୍କୁ ଗୁରୁତର ଅବସ୍ଥାରେ ସଦର ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଇଥିଲା। ଘଟଣାସ୍ଥଳରେ ରାମପୁର ପୁଲିସ ପହଞ୍ଚି ସମସ୍ତ ଆହତଙ୍କୁ ଚିକିତ୍ସା ପାଇଁ ସଦର ଡାକ୍ତରଖାନାକୁ ପଠାଇଥିଲା ।
ଏହି ଝଗଡ଼ାରେ ବରର ମାମୁଁ ଓ ଭଉଣୀ ଗୁରୁତର ଆହତ ହୋଇଥିବାରୁ ବର ବିରକ୍ତ ହୋଇ ବିବାହ କରିବାକୁ ମନା କରିଦେଇଥିଲେ । କିନ୍ତୁ ବହୁ ମନାଇବା ପରେ ପୁଲିସର ଉପସ୍ଥିତିରେ ବର ଏବଂ କନ୍ୟା ସାତ ଫେରା ନେଇଥିଲେ ଏବଂ ବିବାହ ସମ୍ପର୍ଣ୍ଣ ହୋଇଥିଲା । ବିବାହରେ ହୋଇଥିବା ଝଗଡ଼ା ସମ୍ପର୍କରେ ରାମପୁର ଥାନା ପୁଲିସ ବରିଷ୍ଠ ସବ୍-ଇନ୍ସପେକ୍ଟର ବଳରାମ ସିଂ କହିଛନ୍ତି ଯେ, ବିବାହରେ ଫଟୋ ଉଠାଇବା ନେଇ ଝଗଡ଼ା ହେବାର ଖବର ଆସିଥିଲା । ପୁଲିସ ଫୋର୍ସ ସହିତ ଘଟଣାସ୍ଥଳରେ ପହଞ୍ଚିବା ପରେ ଆହତମାନେ ଡାକ୍ତରଖାନା ଯାଇ ସାରିଥିଲେ । ଏ ବାବଦରେ ଏପର୍ଯ୍ୟନ୍ତ କୌଣସି ଅଭିଯୋଗ ଗ୍ରହଣ କରାଯାଇ ନାହିଁ, ଯଦି ମିଳିବ ତେବେ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ।