ଓଡ଼ିଶାର ଦୁଇ ଶିକ୍ଷକଙ୍କୁ ଜାତୀୟ ପୁରସ୍କାର
ନୂଆଦିଲ୍ଲୀ : ଓଡ଼ିଶାର ଦୁଇ ଜଣଙ୍କ ସହ ଦେଶର ୪୪ ଜଣ ଶିକ୍ଷକଙ୍କୁ ଚଳିତ ବର୍ଷ ଜାତୀୟ ପୁରସ୍କାର ମିଳିବ । କେନ୍ଦ୍ର ଶିକ୍ଷା ମନ୍ତ୍ରଣାଳୟ ଦ୍ବାରା ଏହି ଶିକ୍ଷକଶିକ୍ଷୟିତ୍ରୀମାନଙ୍କ ନାମ ଘୋଷଣା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପୁରସ୍କାର ପାଇଁ ଚୟନ ହୋଇଥିବା ଓଡ଼ିଶାର ଦୁଇ ଶିକ୍ଷକ ହେଲେ, ଭଦ୍ରକ ଜିଲ୍ଲା ସରକାରୀ ସ୍କୁଲର ଶିକ୍ଷକ ଅଶୋକ କୁମାର ଶତପଥୀ ଓ ଗଂଜାମ ଛତ୍ରପୁର କାନମନା ସରକାରୀ ଉଚ୍ଚ ପ୍ରାଥମିକ ସ୍କୁଲ୍ର ଭାରପ୍ରାପ୍ତ ପ୍ରଧାନ ଶିକ୍ଷକ ଅଜିତ କୁମାର ସେଠି। ଆସନ୍ତା ସେପ୍ଟେମ୍ବର ୫ ତାରିଖ ‘ଗୁରୁ ଦିବସ’ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଏହି ଶିକ୍ଷକମାନଙ୍କୁ ଜାତୀୟ ଶିକ୍ଷକ ପୁରସ୍କାର -୨୦୨୧ରେ ସମ୍ମାନିତ କରିବେ। ଚଳିତ ବର୍ଷ ଓଡ଼ିଶା, ଉତ୍ତର ପ୍ରଦେଶ, ମହାରାଷ୍ଟ୍ର, ତାମିଲନାଡ଼ୁ, ତେଲେଙ୍ଗାନା, ଆନ୍ଧ୍ର ପ୍ରଦେଶ, ଆସାମ, ସିକିମ, ବିହାର, ଗୁଜରାଟ ଓ ରାଜସ୍ଥାନରୁ ଦୁଇ ଜଣ ଲେଖାଏଁ ଶିକ୍ଷକ ପୁରସ୍କାର ପାଇବେ। ଚୟନ ହୋଇଥିବା ୪୪ ଜଣ ଶିକ୍ଷକଙ୍କ ମଧ୍ୟରୁ ୯ ଜଣ ମହିଳା ରହିଛନ୍ତି। ପୁରସ୍କାର ବାବଦରେ ଶିକ୍ଷକମାନଙ୍କୁ ମେଡାଲ୍, ସାର୍ଟିଫିକେଟ୍ ସହିତ ୨୫ ହଜାର ଟଙ୍କାର ନଗଦ ଅର୍ଥରାଶି ପ୍ରଦାନ କରାଯିବ।