ଯାହା କହିଲେ ସେୟା ଦେଲି, ସିଏ ଚାହିଁଲେ ମୁଁ କିଭଳି ସୁସ୍ଥ ନ ହୁଏ : ଉଦ୍ଧବ

ମୁମ୍ବାଇ: ଏକନାଥ ସିନ୍ଦେଙ୍କ ବିଦ୍ରୋହ ପରେ ଶିବସେନାରେ ଚାଲିଥିବା ସଙ୍କଟକୁ ନେଇ ଆଜି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପୁଣି ଥରେ ‘ଇମୋସନାଲ କାର୍ଡ’ ଖେଳିଛନ୍ତି। ଦଳୀୟ ନେତାଙ୍କ ବୈଠକରେ ସେ କହିଛନ୍ତି ଯେ ଯଦିଓ ମୁଁ ମୁଖ୍ୟମନ୍ତ୍ରୀ ବାସଭବନ ଛାଡିଛି, ତଥାପି ମୁଁ ଯୁଦ୍ଧ ଛାଡି ନାହିଁ। ମୁଖ୍ୟମନ୍ତ୍ରୀ ହେବା ସହିତ ଆରମ୍ଭ ହୋଇଥିବା ସମସ୍ୟାଗୁଡିକ ବିଷୟରେ ସେ କହିଛନ୍ତି ଯେ ଗତ ଦୁଇ ବର୍ଷ ଧରି କୋଭିଡ୍ ଚାଲିଥିଲା। ଯେତେବେଳେ କୋଭିଡ୍ ସମାପ୍ତ ହେଲା, ମୋର ବେକ ଯନ୍ତ୍ରଣା ଆରମ୍ଭ ହେଲା ଏବଂ ବର୍ତ୍ତମାନ ସାମ୍ନାରେ ଆସି ଛିଡ଼ା ହୋଇଛି ରାଜନୈତିକ ସମସ୍ୟା | କିଏ କେଉଁ ସମୟରେ କିଭଳି ଆଚରଣ କରିବ ତାହା ମନେ ରଖିବା ଜରୁରୀ | ଏକନାଥ ସିନ୍ଦେଙ୍କ ଉପରେ ଆକ୍ରମଣ କରି ସେ କହିଛନ୍ତି ଯେ ମୁଁ ଅସୁସ୍ଥ ଥିଲି ଏବଂ କିଛି ଲୋକ ପ୍ରାର୍ଥନା କରୁଥିଲେ ଯେ ମୁଁ ଯେମିତି ଭଲ ନ ହୁଏ। କେବଳ ଏତିକି ନୁହେଁ, ଉଦ୍ଧବ ଠାକରେ ମଧ୍ୟ ଏକନାଥ ସିନ୍ଦେଙ୍କୁ ଗୁରୁତ୍ୱ ଦେବା ବିଷୟରେ କହିଥିଲେ। ଉଦ୍ଧବ କହିଛନ୍ତି ଯେ ଏକନାଥ ସିନ୍ଦେଙ୍କ ପାଇଁ ମୁଁ କ’ଣ ନ କରିଛି ? ସେ ଚାଁହୁଥିବା ସହରାଞ୍ଚଳ ବିକାଶ ବିଭାଗ ତାଙ୍କୁ ଦେଇଥିଲି।

କେବଳ ଏତିକି ନୁହେଁ, ଉଦ୍ଧବ ଠାକରେ ତାଙ୍କ ପରିବାରକୁ ଶିବସେନାର ମୂଳ ବୋଲି ମଧ୍ୟ କହିଛନ୍ତି | ସେ କହିଛନ୍ତି ଯେ ଶିବସେନା ଏବଂ ଠାକରେ ପରିବାର ବିନା ସେମାନେ କିଛି କରିପାରିବେ ନାହିଁ। ଉଦ୍ଧବ ଠାକରେ କହିଛନ୍ତି, ‘ଗଛରେ ଫୁଲ, ଶାଖା ଥାଏ | କିନ୍ତୁ ସେଗୁଡ଼ିକ ମୂଳ ହୋଇପାରି ନଥାଏ | ଯଦି କେହି ଚାଲିଯାଇଛନ୍ତି ତେବେ ମୁଁ କାହିଁକି ଖରାପ ଭାବିବି | ଶୁଖିଲା ପତ୍ରଙ୍କୁ ଛାଡିଦିଅନ୍ତୁ, ନୂଆ ଆସିବେ । ଉଦ୍ଧବ ଠାକରେ କହିଛନ୍ତି ଯେ ଏଭଳି ପରିସ୍ଥିତି ଉପୁଜିବ, ଆମେ ଏ ବିଷୟରେ ଚିନ୍ତା ମଧ୍ୟ କରି ନଥିଲୁ। ଆମେ ପଦ ପାଇଁ ଆଗ୍ରହୀ ନୁହଁ | ମୁଁ ଅସୁସ୍ଥ ଥିଲି ଏବଂ ପରେ ବେକରେ ଯନ୍ତ୍ରଣା ହୋଇଥିଲା | ଯନ୍ତ୍ରଣା ହେବା ପରେ ମୋର ଅପରେସନ୍ କରାଯାଇଥିଲା | କିନ୍ତୁ କିଛି ଲୋକ ମୋ ପଛରେ ଆଉ ଏକ ଅପରେସନ୍ ଚଳାଇବା ଆରମ୍ଭ କରିଥିଲେ |

ସମ୍ବନ୍ଧିତ ଖବର