‘ଲକଡାଉନ ହଟାଇବାକୁ ପ୍ରସ୍ତୁତ, ମୃତ୍ୟୁ ପାଇଁ କିଏ ଦାୟୀ ହେବ’

ମୁମ୍ବାଇ: କରୋନା ଭୂତାଣୁ ମହାମାରୀ ଦେଶରେ ହଇଚଇ ସୃଷ୍ଟି କରୁଛି। ଏହି ମହାମାରୀରେ ମହାରାଷ୍ଟ୍ର ସର୍ବାଧିକ ପ୍ରଭାବିତ ହୋଇଥିବାବେଳେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏହାକୁ ନେଇ ବଡ ବୟାନ ଦେଇଛନ୍ତି । ଶିବସେନା ମୁଖପତ୍ର ‘ସାମ୍ନା’କୁ ଦେଇଥିବା ସାକ୍ଷାତକାରରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବିରୋଧୀଙ୍କୁ ରାଜନୈତିକ ମହୋତ୍ସବ ପାଳନ ନକରିବାକୁ ପରାମର୍ଶ ଦେଇଛନ୍ତି ।

ବର୍ତ୍ତମାନ ରାଜ୍ୟରେ ସ୍ଥିତିରେ ସୁଧାର ଆସୁଛି ବୋଲି ଉଦ୍ଧବ ଠାକରେ କହିଛନ୍ତି। ସେ ସ୍ପଷ୍ଟ ଭାବରେ କହିଛନ୍ତି ଯେ କିଛି କହୁଛନ୍ତି ଲକଡାଉନ୍ ହଟାନ୍ତୁ, ସବୁ ଖୋଲନ୍ତୁ। ମୁଖ୍ୟମନ୍ତ୍ରୀ କହିଛନ୍ତି ଯେ ମୁଁ ଏଭଳି ଲୋକଙ୍କୁ କହିବାକୁ ଚାହେଁ ଯେ ମୁଁ ଲକଡାଉନ୍ ହଟାଇବାକୁ ପ୍ରସ୍ତୁତ ଅଛି। ଯଦି ଲୋକମାନେ ମରନ୍ତି, ତେବେ ଏଥିପାଇଁ କେହି ଦାୟୀ ହେବାକୁ ପ୍ରସ୍ତୁତ କି?

image source–amarujala

ଉଦ୍ଧବ କହିଛନ୍ତି ଯେ ମୁଁ ଟ୍ରମ୍ପ ନୁହେଁ। ଲୋକମାନେ ଆଖି ସାମ୍ନାରେ ମରୁଥିବା ଦେଖି ପାରିବି ନାହିଁ | ମହାରାଷ୍ଟ୍ର ମୁଖ୍ୟମନ୍ତ୍ରୀ କହିଛନ୍ତି ଯେ ଆମେ ଧୀରେ ଧୀରେ ସବୁକିଛି ଖୋଲୁଛୁ | ସେ ସ୍ପଷ୍ଟ ଭାବରେ କହିଛନ୍ତି ଯେ ଆମେ କେବଳ ଅର୍ଥନୀତି କିମ୍ବା ସ୍ୱାସ୍ଥ୍ୟ ବିଷୟରେ ଚିନ୍ତା କରିପାରିବୁ ନାହିଁ। ଦୁହିଁଙ୍କୁ ସମାନ ଭାବରେ ଚିନ୍ତା କରିବାକୁ ପଡିବ |

ସମ୍ବନ୍ଧିତ ଖବର

Comments are closed.