‘ମୁଖ୍ୟମନ୍ତ୍ରୀ ଚୌକି ପାଇଁ ମୁଁ ଲାଳାୟିତ ନୁହେଁ; ମୋର ଇସ୍ତଫା ପତ୍ର ପ୍ରସ୍ତୁତ ଅଛି’: ଉଦ୍ଧବ ଠାକରେ
ମୁମ୍ବାଇ: ମହାରାଷ୍ଟ୍ରରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ଶିବସେନା ମୁଖ୍ୟ ତଥା ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆଜି (ବୁଧବାର) ଅପରାହ୍ନରେ କହିଛନ୍ତି, ‘ମୁଁ ବାଲାସାହେବଙ୍କୁ ଦେଇଥିବା ମୋର ପ୍ରତିଶ୍ରୁତି ପାଳନ କରିଛି’।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ‘ସେନାର କିଛି ବିଧାୟକମାନେ ଗୌହାଟୀରୁ ସୁରଟ ଯାଇଛନ୍ତି। ଯଦି ମୋର ମୁଖ୍ୟମନ୍ତ୍ରୀ ହେବାରେ ସେମାନଙ୍କର ସମସ୍ୟା ଥାଏ, ତେବେ ମୁଁ ବର୍ତ୍ତମାନ ଇସ୍ତଫା ଦେବା ପାଇଁ ପ୍ରସ୍ତୁତ। କୌଣସି ପଦବୀ ପାଇଁ ମୋର କୌଣସି ଲାଳସା ନାହିଁ। ମୋତେ ଶରଦ ପାୱାର ମୁଖ୍ୟମନ୍ତ୍ରୀ ହେବାକୁ କହିଥିଲେ ବୋଲି ମୁଖ୍ୟମନ୍ତ୍ରୀ ପଦ ସମ୍ଭାଳିଛି’।
ସେ ଆହୁରି ମଧ୍ୟ କହିଛନ୍ତି, ‘ମୁଁ ମୁଖ୍ୟମନ୍ତ୍ରୀ ଭାବରେ ମୋର ଦାୟିତ୍ୱ ପୂରଣ କରିଛି ଏବଂ ମୋର ଇସ୍ତଫା ଏବେ ପ୍ରସ୍ତୁତ ଅଛି। ଯଦି ସେମାନେ (ବିଦ୍ରୋହୀମାନେ) ମୋତେ ମୁଖ୍ୟମନ୍ତ୍ରୀ ଭାବରେ ଚାହାଁନ୍ତି ନାହିଁ, ତେବେ ସେମାନେ ଆସି ମୋତେ ମୁହାଁମୁହିଁ କହିବା ଉଚିତ୍। ଟ୍ୱିଟର କିମ୍ବା ଫେସବୁକ୍ ମାଧ୍ୟମରେ ନୁହେଁ।’