ମୁମ୍ବାଇ : ମହାରାଷ୍ଟ୍ର ବିଧାନସଭାରେ ଆଜି ଉଦ୍ଧବ ଠାକରେ ନେତୃତ୍ୱାଧୀନ ଶିବସେନା-ଏନସିପି-କଂଗ୍ରେସ ସରକାର ଆସ୍ଥାଭୋଟରେ ଉତ୍ତୀର୍ଣ୍ଣ ହୋଇଛନ୍ତି । ସରକାର ସପକ୍ଷରେ ୧୬୯ ଟି ଭୋଟ ପଡିଥିବା ବେଳେ ସମୁଦାୟ ବିପକ୍ଷ ଅର୍ଥାତ ବିଜେପି ଅନୁପସ୍ଥିତ ଥିଲା । କାରଣ ଆସ୍ଥାଭୋଟ ପୂର୍ବରୁ ବିଜେପି କକ୍ଷତ୍ୟାଗ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ବିଜେପି ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଅଭିଯୋଗ କରିଛନ୍ତି ଯେ ବିଧାନସଭାରେ ସରକାର ପ୍ରଚଳିତ ଆଇନର ଉଲ୍ଲଙ୍ଘନ କରିଛନ୍ତି । ସେ କହିଛନ୍ତି ୨ ଜଣ ମନ୍ତ୍ରୀଙ୍କ ଶପଥ ଗ୍ରହଣ ଅବୈଧ । ଅନ୍ୟପକ୍ଷରେ ଅସ୍ଥାୟୀ ବାଚସ୍ପତି ( ପ୍ରୋ ଟମ ସ୍ପିକର) ସାଧାରଣତଃ ନବନିର୍ବାଚିତ ବିଧାୟକମାନଙ୍କୁ ଶପଥ ପାଠ କରିବା ପରେ ନୂଆ ବାଚସ୍ପତି ନିର୍ବାଚନ ହୁଏ । ନୂଆ ବାଚସ୍ପତି ହିଁ ଆସ୍ଥା ଭୋଟ କରାଇବା ନିୟମ ରହିଛି । ଏଣୁ ଜଣେ ପ୍ରୋ ଟମ ସ୍ପିକର ଆଜିର ଆସ୍ଥା ଭୋଟ ପରିଚାଳନା କରିବା ଅଣସମ୍ବିଧାନିକ । ଏଣୁ ଏହି ବିଧାନସଭା ଅଧିବେଶନ ବୈଧ ନୁହେଁ । ଏହା ବିରୁଦ୍ଧରେ ରାଜ୍ୟପାଳଙ୍କୁ ଭେଟି ଅଭିଯୋଗ କରିବ ବୋଲି ବିଜେପି ଘୋଷଣା କରିଛି ।