କରାଚି: ୨୦୧୫ରେ ଜମ୍ମୁ-କାଶ୍ମୀରର ଉଧମପୁରରେ ବିଏସ୍ଏଫ୍ (ସୀମା ସୁରକ୍ଷା ବଳ)ର ଏକ ଗାଡ଼ି ଉପରେ ହୋଇଥିବା ଆକ୍ରମଣର ସୂତ୍ରଧର ଲସ୍କର ଆତଙ୍କବାଦୀ ହାଞ୍ଜଲା ଆଦନାନକୁ ପାକିସ୍ତାନର କରାଚିରେ ଅଜ୍ଞାତ ବନ୍ଧୁକଧାରୀମାନେ ହତ୍ୟା କରିଛନ୍ତି। ୨୬/୧୧ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ଲସ୍କର ମୁଖ୍ୟ ହାଫିଜ ସୟିଦର ଘନିଷ୍ଠ ବୋଲି କୁହାଯାଉଥିବା ହାଞ୍ଜଲା ଆଦନାନକୁ ଡିସେମ୍ବର ୨/୩ ମଧ୍ୟରାତ୍ରିରେ ତା’ ଘର ବାହାରେ ଗୁଳି କରି ହତ୍ୟା କରାଯାଇଥିଲା। ତା’ ଦେହରୁ ୪ଟି ଗୁଳି ମିଳିଥିଲା। ମିଳିଥିବା ସୂଚନା ଅନୁଯାୟୀ, ଲସ୍କର-ଏ-ତୋଏବା ଆତଙ୍କବାଦୀକୁ ପାକିସ୍ତାନୀ ସେନା ଗୁପ୍ତରେ କରାଚିର ଏକ ଡାକ୍ତରଖାନାକୁ ନେଇଥିଲା। ଡିସେମ୍ବର ୫ ତାରିଖରେ ତା’ର ମୃତ୍ୟୁ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ନିକଟରେ ହାଞ୍ଜଲା ଆଦନାନ ନିଜର ଅପରେସନ୍ ବେସ୍କୁ ରାୱଲପିଣ୍ଡିରୁ କରାଚି ସ୍ଥାନାନ୍ତର କରିଥିଲା। ୨୦୧୫ରେ ହାଞ୍ଜଲା ଆଦନାନ ଉଧମପୁରରେ ବିଏସ୍ଏଫ୍ର ଏକ ଗାଡ଼ି ଉପରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ଥିଲା, ଯେଉଁଥିରେ ୨ ଜଣ ବିଏସ୍ଏଫ୍ ଯବାନ ସହିଦ ହୋଇଥିଲେ ଏବଂ ଅନ୍ୟ ୧୩ ଜଣ ଆହତ ହୋଇଥିଲେ। ଏନ୍ଆଇଏ ବିଏସ୍ଏଫ୍ ଯବାନଙ୍କ ଆକ୍ରମଣର ତଦନ୍ତ କରି ଚାର୍ଜସିଟ୍ ଦାଖଲ କରିଥିଲା। ୨୦୧୬ରେ ଜମ୍ମୁ-କାଶ୍ମୀରର ପାମ୍ପୋର ଅଞ୍ଚଳରେ ସିଆର୍ପିଏଫ୍ର ଏକ ଗାଡ଼ି ଉପରେ ଲସ୍କର ଆତଙ୍କବାଦୀମାନେ ଆକ୍ରମଣ କରିଥିଲେ। ଏହି ଆକ୍ରମଣରେ ୮ ଜଣ ସିଆର୍ପିଏଫ୍ ଯବାନ ସହିଦ ହୋଇଥିବା ବେଳେ ୨୨ ଜଣ ଆହତ ହୋଇଥିଲେ।