କମ୍ପାଲା : ଉଗାଣ୍ଡାରେ ସମଲିଙ୍ଗୀ ସମ୍ପର୍କ ପାଇଁ ମୃତ୍ୟୁଦଣ୍ଡ ବ୍ୟବସ୍ଥା କରାଯାଇଛି । ଏ ନେଇ ଏକ ଆଇନକୁ ସେଠାକାର ରାଷ୍ଟ୍ରପତି ୟୋୱେରି ମୁସେଭେନି ମଂଜୁର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ପୂର୍ବ ଆଫ୍ରିକୀୟ ଦେଶର ଅନେକ ଲୋକ ଏହି ନୂତନ ସମଲିଙ୍ଗୀ ବିରୋଧୀ ଆଇନକୁ ସମର୍ଥନ କରିଛନ୍ତି, କିନ୍ତୁ ଏହାକୁ ମାନବାଧିକାର କର୍ମୀ ଏବଂ ବିଦେଶରେ ତୀବ୍ର ସମାଲୋଚନା କରାଯାଇଛି। ସେମାନେ ଆଇନର ପୂର୍ବ ଚିଠାକୁ ମାନବାଧିକାର ଉପରେ ଏକ ଗମ୍ଭୀର ଆକ୍ରମଣ ବୋଲି ନିନ୍ଦା କରିଥିଲେ। ଯାହା ପରେ ତାହାକୁ ଫେରାଇ ନିଆଯାଇଥିଲା ।
ତେବେ ନୂଆ ଆଇନରେ ଗୁରୁତର ସମଲିଙ୍ଗୀ ସମ୍ପର୍କ ପାଇଁ ମୃତ୍ୟୁଦଣ୍ଡର ବ୍ୟବସ୍ଥା ରହିଛି। ଏଥିରେ ଏଚଆଇଭି ସଂକ୍ରମିତ ବ୍ୟକ୍ତିଙ୍କ ସହିତ ନାବାଳକ ଏବଂ ସମାଜର ଅନ୍ୟାନ୍ୟ ସମ୍ବେଦନଶୀଳ ବର୍ଗର ଲୋକଙ୍କ ସହ ଯୌନ ସମ୍ପର୍କ ରଖିବା ଅନ୍ତର୍ଭୁକ୍ତ । ଆଇନ ଅନୁଯାୟୀ, ସମଲିଙ୍ଗୀ ସମ୍ପର୍କ ରଖିବାକୁ ଚେଷ୍ଟା କରୁଥିବା ସନ୍ଦିଗ୍ଧଙ୍କୁ ୧୪ ବର୍ଷ ପର୍ଯ୍ୟନ୍ତ ଜେଲ୍ ଦଣ୍ଡ ହୋଇପାରେ। ଏହା ପୂର୍ବରୁ ରାଷ୍ଟ୍ରପତି ମୁସେଭେନି ଏପ୍ରିଲ ମାସରେ ଏହି ବିଲ୍କୁ ନ୍ୟାସନାଲ୍ ଆସେମ୍ବ୍ଲିକୁ ପଠାଇ ଦେଇଥିଲେ। ଯେଉଁମାନେ ଏଲଜିବିଟିକ୍ୟୁ ଭାବରେ ଚିହ୍ନଟ ହୋଇଥିଲେ ଏବଂ ପ୍ରକୃତରେ ସମଲିଙ୍ଗୀ ସମ୍ପର୍କରେ ଲିପ୍ତ ଥିଲେ ସେମାନଙ୍କ ମଧ୍ୟରେ ପାର୍ଥକ୍ୟ କରିବା ପାଇଁ ଏହି ପରିବର୍ତ୍ତନ କରାଯାଇଥିଲା ।
ତେବେ ଏହି ଆଇନର ଅର୍ଥନୈତିକ ପରିଣାମ ନେଇ ଆମେରିକା ଚେତାବନୀ ଦେଇଛି । ଏହାକୁ ଆମନେଷ୍ଟି ଇଣ୍ଟରନ୍ୟାସନାଲ ଏକ ଅତ୍ୟନ୍ତ କଠୋର ଆଇନ ବୋଲି ବର୍ଣ୍ଣନା କରିଛି। ଆଫ୍ରିକାର ୫୪ଟି ଦେଶ ମଧ୍ୟରୁ ୩୦ରୁ ଅଧିକ ଦେଶରେ ସମଲିଙ୍ଗୀ ସମ୍ପର୍କ ଏକ ଅପରାଧ ।