କିବ୍ : ୟୁକ୍ରେନ୍ର ପ୍ରତିରକ୍ଷା ଗୋଇନ୍ଦା ମୁଖ୍ୟ ମେଜର ଜେନେରାଲ କିରିଲୋ ବୁଡ଼ାନୋଭ ଦାବି କରିଛନ୍ତି ଯେ ୟୁକ୍ରେନ୍ ଯୁଦ୍ଧ ସରିବା ଯାଏ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ କ୍ଷମତାରେ ରହିବେ ନାହିଁ। ତାଙ୍କୁ ବିଦା କରିବା ପାଇଁ ରୁଷ୍ ଅଧିକାରୀମାନଙ୍କ ଭିତରେ କଥାବାର୍ତ୍ତା ଚାଲିଛି।
Sambad is now on WhatsApp
Join and get latest news updates delivered to you via WhatsApp
ରୁଷ୍ ଦଖଲ କରିଥିବା ଖେରସନକୁ ଫେରାଇ ଆଣିବା ପାଇଁ ୟୁକ୍ରେନ୍ ଆପ୍ରାଣ ସଂଘର୍ଷ ଚଳାଇଥିବା ବେଳେ ବୁଡ଼ାନୋଭ ଏପରି ଦାବି କରିଛନ୍ତି। ସେ କହିଛନ୍ତି ଯେ ପୁଟିନଙ୍କ ସ୍ଥାନରେ କାହାକୁ ରାଷ୍ଟ୍ରପତି କରାଯିବ ସେ ନେଇ ରୁଷ୍ ଅଧିକାରୀମାନେ ବିଚାରବିମର୍ଶ ଚଳାଇଛନ୍ତି। ବୁଡ଼ାନୋଭ ପୁଣି କହିଛନ୍ତି ଯେ ସେପ୍ଟେମ୍ବର ମାସରେ ୟୁକ୍ରେନର ପ୍ରତିଆକ୍ରମଣରେ ରୁଷ୍ ପଛଘୁଞ୍ଚା ଦେଇଛି। ଏହାପରେ ଯୁଦ୍ଧ ହାରିବା ଭୟରେ ପୁଟିନ ହଜାର ହଜାର ସଂରକ୍ଷିତ ସୈନ୍ୟଙ୍କୁ ଯୁଦ୍ଧକୁ ପଠାଉଛନ୍ତି। ନିକଟରେ ୟୁକ୍ରେନ୍ର ୪୦ ପ୍ରତିଶତ ବିଦ୍ୟୁତ୍ ଭିତ୍ତିଭୂମିକୁ ବୋମାମାଡ଼ କରି ରୁଷ୍ ନଷ୍ଟ କରିଦେଇଛି। କିନ୍ତୁ ନଭେମ୍ବର ସୁଦ୍ଧା ୟୁକ୍ରେନ୍ ଖେରସନ ଅଞ୍ଚଳକୁ ପୁନର୍ଦଖଲ କରିବ ବୋଲି ସେ ଦୃଢ଼ତା ପ୍ରକାଶ କରିଛନ୍ତି।