ଜୁବୈର ଗିରଫଦାରି ପ୍ରସଙ୍ଗରେ ଜର୍ମାନିର ମନ୍ତବ୍ୟକୁ ଭାରତର ବିରୋଧ
ନୂଆଦିଲ୍ଲୀ : ଅଲଟନ୍ୟୁଜ ସହପ୍ରତିଷ୍ଠାତା ମହମ୍ମଦ ଜୁବୈର ଗିରଫଦାରି ପ୍ରସଙ୍ଗରେ ଜର୍ମାନି ଦେଇଥିବା ବୟାନକୁ ବିରୋଧ କରିଛି ଭାରତ । ଭାରତୀୟ ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ଏହା ଏହା ଏକ ବିଚାରାଧୀନ ମାମଲା ଓ ଏ ସଂପର୍କରେ ମନ୍ତବ୍ୟ ଦେବା ଠିକ ନୁହେଁ । ଭାରତର ନ୍ୟାୟପାଳିକାର ନିରପେକ୍ଷତା ବିଶ୍ବବିଦିତ । ଏଣୁ ଏ ପ୍ରସଙ୍ଗରେ ଠିକଭାବେ ନଜାଣି ମନ୍ତବ୍ୟ ଦିଆଯିବା ଠିକ ନୁହେଁ ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଜର୍ମାନୀର ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଥିଲା ଯେ ଭାରତ ନିଜକୁ ବିଶ୍ବର ବୃହତ୍ତମ ଗଣତନ୍ତ୍ର କହୁଥିବାବେଳେ ଗଣତାନ୍ତ୍ରିକ ମୂଲ୍ୟବୋଧ ଯେପରିକି ମତପ୍ରକାଶ କରିବାର ସ୍ବାଧୀନତାକୁ ସମ୍ମାନ ଦେବା ଆବଶ୍ୟକ ।
ଗତ ଜୁନ ୨୭ରେ ମହମ୍ମଦ ଜୁବୈରଙ୍କୁ ଦିଲ୍ଲୀ ପୁଲିସ ଗିରଫ କରିଥିଲା । ଏକ ପୁରୁଣା ସୋସିଆଲ ମିଡିଆ ପୋଷ୍ଟରେ ହିନ୍ଦୁ ଧର୍ମ ପ୍ରତି ଅପମାନ ଅଭିଯୋଗରେ ତାଙ୍କୁ ଗିରଫ କରାଯାଇଥିଲା । ବିଜେପିର ପୂର୍ବତନ ମୁଖପାତ୍ର ନୂପୁର ଶର୍ମାଙ୍କ ଦ୍ବାରା ବିବାଦୀୟ ଇସଲାମ ବିରୋଧୀ ବୟାନ ସଂପର୍କରେ ସେ ପ୍ରଥମ ଟୁଇଟ କରିବା ପରେ ତାହାକୁ ନେଇ ବିବାଦ ସୃଷ୍ଟି ହୋଇଥିଲା । ପରେ ତାହା ଏକ ଅନ୍ତର୍ଜାତୀୟ ପ୍ରସଙ୍ଗରେ ପରିଣତ ହୋଇଯାଇଥିଲା । ପରେ ଏହାକୁ ନେଇ ଭାରତରେ ମଧ୍ୟ ସାଂପ୍ରଦାୟିକ ହିଂସା ଦେଖାଯାଇଥିଲା ।