କେନ୍ଦ୍ରମନ୍ତ୍ରୀ ବାନ୍ଦି ସଂଜୟ କୁମାରଙ୍କୁ ଗିରଫ କଲା ତେଲେଙ୍ଗାନା ପୁଲିସ୍

ହାଇଦ୍ରାବାଦ: କେନ୍ଦ୍ରମନ୍ତ୍ରୀ ବାନ୍ଦି ସଞ୍ଜୟ କୁମାରଙ୍କୁ ପୁଲିସ ଗିରଫ କରିଛି। ହାଇଦ୍ରାବାଦର ଚିକ୍କାଡପଲ୍ଲୀସ୍ଥିତ ଅଶୋକ ନଗରରେ ଗ୍ରୁପ୍ ୧ ସର୍ଭିସର ପ୍ରାର୍ଥୀଙ୍କ ସହ ମିଶି ବିକ୍ଷୋଭ କରିଥିଲେ ସଞ୍ଜୟ କୁମାର। ଏଥିପାଇଁ ତାଙ୍କୁ ଗିରଫ କରାଯାଇଛି ବୋଲି କୁହାଯାଉଛି ।

ଗତ ସେପ୍ଟେମ୍ବର ମାସରେ କେନ୍ଦ୍ର ଗୃହମନ୍ତ୍ରୀ  ବାନ୍ଦି ସଞ୍ଜୟ କୁମାର ମଦ୍ରାସାଗୁଡ଼ିକ ଆତଙ୍କବାଦକୁ ପ୍ରୋତ୍ସାହନ ଦେଉଥିବା ଏବଂ ଜାତୀୟ ନିରାପତ୍ତା ପ୍ରତି ଗୁରୁତର ବିପଦ ସୃଷ୍ଟି କରୁଥିବା ଅଭିଯୋଗ କରିଥିଲେ। ସେ ହାଇଦ୍ରାବାଦର ଜାମିକୁଣ୍ଟାସ୍ଥିତ ଶ୍ରୀ ବିଦ୍ୟାନରଣ୍ୟ ଆବାସ ବିଦ୍ୟାଳୟରେ ଛାତ୍ରଛାତ୍ରୀଙ୍କ ପାଇଁ ଏକ ନୂତନ ହଷ୍ଟେଲର ଉଦଘାଟନ ଉତ୍ସବରେ ଯୋଗ ଦେଇଥିଲେ। ଏପରିକି କିଛି ମଦ୍ରାସା ୪୭ ରାଇଫଲ ତିଆରି କରିବା ର ପ୍ରଶିକ୍ଷଣ ମଧ୍ୟ ଦେଉଛନ୍ତି ବୋଲି ସେ ତାଙ୍କ ଭାଷଣରେ ଦାବି କରିଥିଲେ। ସେମାନେ ଆତଙ୍କବାଦର ପ୍ରଜନନସ୍ଥଳୀ ଏବଂ ଦେଶର ସୁରକ୍ଷା ପ୍ରତି ବିପଦ ସୃଷ୍ଟି କରୁଛନ୍ତି ବୋଲି ସେ କହିଥିଲେ।

ବାନ୍ଦି ସଞ୍ଜୟ କୁମାର ବିଜେପିର ଅନ୍ୟତମ ପ୍ରମୁଖ ନେତା। ୧୨ ବର୍ଷ ବୟସରେ ସେ ରାଷ୍ଟ୍ରୀୟ ସ୍ୱୟଂସେବକ ସଂଘରେ ଯୋଗ ଦେଇଥିଲେ । ସେ ତାଙ୍କର ହିନ୍ଦୁ ଜାତୀୟତାବାଦୀ ଚିନ୍ତାଧାରା ପାଇଁ ଜଣାଶୁଣା । ସେ ତେଲେଙ୍ଗାନାର କରିମନଗର ଲୋକସଭା ଆସନରୁ ବିଜୟୀ ହୋଇ କଂଗ୍ରେସ ପ୍ରାର୍ଥୀ ଭେଲିଚାଲା ରାଜେନ୍ଦ୍ର ରାଓଙ୍କୁ ୨,୨୫,୨୦୯ ଖଣ୍ଡ ଭୋଟରେ ପରାସ୍ତ କରିଥିଲେ। ୨୦୧୯ ନିର୍ବାଚନରେ ସେ କରିମନଗର ଆସନରୁ ପୁଣି ଥରେ ନିର୍ବାଚନ ଲଢ଼ି ୮୯,୫୦୮ ଖଣ୍ଡ ଭୋଟ୍ ପାଇ ବିଜୟୀ ହୋଇଥିଲେ।