ବେଳେ ବେଳେ ମୋତେ ରାଜନୀତି ଛାଡ଼ିବାକୁ ଇଚ୍ଛା ହୁଏ: ନିତିନ ଗଡକରୀ
ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ନିତିନ ଗଡକରୀ ନିଜ କାମ ପାଇଁ ଅନେକ ସମୟରେ ଚର୍ଚ୍ଚାରେ ରହି ଥାଆନ୍ତି। ଯେକୌଣସି ବିଷୟରେ ସେ ମୁକ୍ତ ଭାବରେ ନିଜର ମତ ପ୍ରକାଶ କରିଥାନ୍ତି। ସେହିଭଳି ଏବେ ସେ ରାଜନୀତିକୁ ନେଇ ନିଜର ମତ ପ୍ରକାଶ କରିଛନ୍ତି। ରବିବାର ଦିନ ଏକ କାର୍ଯ୍ୟକ୍ରମରେ ନିତିନ ଗଡକରୀ ଯୋଗ ଦେଇଥିଲେ। ଏହି ସମୟରେ ସେ କହିଥିଲେ ଯେ ଅନେକ ଥର ମୁଁ ଅନୁଭବ କରେ ଯେ ମୋତେ ରାଜନୀତି ଛାଡ଼ିଦେବା ଉଚିତ୍ ଏବଂ ବେଳେ ବେଳେ ରାଜନୀତିରେ ରହିବାକୁ ଇଚ୍ଛା ହୁଏ। କାରଣ ରାଜନୀତି ବ୍ୟତୀତ ଜୀବନରେ ଅନେକ ଜିନିଷ ଅଛି ଯାହା କରିବା ଯୋଗ୍ୟ।
Sambad is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମକୁ ସମ୍ବୋଧିତ କରି ନିତିନ ଗଡକରୀ କହିଛନ୍ତି ଯେ ଆମକୁ ବୁଝିବା ଉଚିତ ଯେ ରାଜନୀତି କ’ଣ? ଯଦି ଆମେ ଅତି ନିକଟରୁ ଦେଖିବା, ତେବେ ରାଜନୀତି ସମାଜର ବିକାଶ ପାଇଁ କରିବା ଉଚିତ୍। କିନ୍ତୁ ବର୍ତ୍ତମାନ ରାଜନୀତି ଶତପ୍ରତିଶତ କ୍ଷମତା ନୀତିରେ ପରିଣତ ହୋଇଛି । କେନ୍ଦ୍ରମନ୍ତ୍ରୀ କହିଛନ୍ତି ଯେ ମୋତେ ବେଳେବେଳେ ରାଜନୀତି ଛାଡ଼ିଦେବାକୁ ଇଚ୍ଛା ହୁଏ।
କିଛି ଦିନ ପୂର୍ବରୁ ସେ କହିଥିଲେ ଯେ ଯେଉଁମାନେ ମୁଖ୍ୟମନ୍ତ୍ରୀ ହୁଅନ୍ତି, ସେମାନଙ୍କ ହାତରୁ କେବେ ପଦବୀ ପଳାଇବ ବୋଲି ସେ ଚିନ୍ତାରେ ଥାନ୍ତି। ଆଜିକାଲି ସମସ୍ତଙ୍କର ଅସୁବିଧା ଅଛି, ସମସ୍ତେ ଅସନ୍ତୁଷ୍ଟ ଅଛନ୍ତି। ବିଧାୟକମାନେ ଦୁଃଖିତ କାରଣ ସେମାନେ ମନ୍ତ୍ରୀ ହୋଇପାରିଲେ ନାହିଁ। ଭଲ ପୋର୍ଟଫୋଲିଓ ପାଇ ନଥିବାରୁ ମନ୍ତ୍ରୀ ଦୁଃଖିତ। ଭଲ ବିଭାଗରେ ଥିବା ବ୍ୟକ୍ତିମାନେ ମୁଖ୍ୟମନ୍ତ୍ରୀ ହୋଇପାରିନଥିବାରୁ ଦୁଃଖିତ। ଆଉ ଯେଉଁମାନେ ମୁଖ୍ୟମନ୍ତ୍ରୀ ହୁଅନ୍ତି ସେମାନେ ଦୁଃଖିତ କାରଣ ସେମାନଙ୍କ ବଦ କେବେ ରହିବେ ଏବଂ କେବେ ଯିବ, ତାହା କେହି ଜାଣନ୍ତି ନାହିଁ।