କେନ୍ଦ୍ରମନ୍ତ୍ରୀ ସୋମପ୍ରକାଶ କରୋନା ସଂକ୍ରମିତ
ଚଣ୍ଡୀଗଡ଼: କରୋନା କାରଣରୁ ପଞ୍ଜାବରେ ସ୍ଥିତି ଖରାପ ହେବାରେ ଲାଗିଛି। ଏଭଳି ସମୟରେ କେନ୍ଦ୍ର ବାଣିଜ୍ୟ ଓ ଶିଳ୍ପମନ୍ତ୍ରୀ ସୋମପ୍ରକାଶ ମଧ୍ୟ କରୋନା ସଂକ୍ରମିତ ହୋଇଥିବାର ସୂଚନା ମିଳିଛି। ତାଙ୍କ ରିପୋର୍ଟ ପଜିଟିଭ୍ ଆସିବା ପରେ ଅମ୍ଳଜାନ ଅଭାବରୁ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯାଇଛି। ତାଙ୍କୁ ମୋହାଲିର ଫୋର୍ଟିସ୍ ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଶୁକ୍ରବାର ସକାଳେ ଅମ୍ଳଜାନ ଅଭାବରୁ ଅମୃତସରର ଫତେହଗଡ ବଙ୍ଗଳା ବାଇପାସ୍ ରୋଡରେ ଥିବା ନୀଳକଣ୍ଠ ଡାକ୍ତରଖାନାରେ ପାଞ୍ଚ ଜଣଙ୍କର ମୃତ୍ୟୁ ଘଟିଛି। ଏମାନଙ୍କ ଭିତରୁ ଜଣଙ୍କର ଅବସ୍ଥା ଗୁରୁତର ଥିବା କୁହାଯାଉଛି। ସୂଚନା ପାଇବା ମାତ୍ରେ ପରିବାର ଲୋକେ ଘଟଣାସ୍ଥଳରେ ପହଞ୍ଚି ଡାକ୍ତରଖାନାରେ ହଙ୍ଗାମା କରିଥିଲେ। ଅମ୍ଳଜାନ ଅଭାବରୁ ପାଞ୍ଚ ଜଣ ରୋଗୀଙ୍କ ମୃତ୍ୟୁ ହୋଇଥିବା ଡାକ୍ତରଖାନା ପରିଚାଳନା ନିର୍ଦ୍ଦେଶକ କହିଛନ୍ତି। ତାଙ୍କ କହିବା ଅନୁଯାୟୀ, ଆମେ ଗତ ୪୮ଘଣ୍ଟା ଧରି ଡାକ୍ତରଖାନାରେ ଅମ୍ଳଜାନ ନାହିଁ । ସରକାରୀ ଡାକ୍ତରଖାନା ପୂର୍ବରୁ ଘରୋଇ ଡାକ୍ତରଖାନାକୁ ଅମ୍ଳଜାନ ଦିଆଯାଇପାରିବ ନାହିଁ ବୋଲି ପ୍ରଶାସନ କହିଛି।
ସୂଚନାଯୋଗ୍ୟ, ଶୁକ୍ରବାର ଦିନ ପଞ୍ଜାବରେ ୬୭୬୨ ସଂକ୍ରମିତ ଚିହ୍ନଟ ହୋଇଛନ୍ତି। ଏହାଛଡ଼ା ୧୮ଟି ଜିଲ୍ଲାରେ ୭୬ ସଂକ୍ରମିତଙ୍କ ମୃତ୍ୟୁ ମଧ୍ୟ ନୂଆ ଘଟଣା ହୋଇଛି। ଭେଣ୍ଟିଲେଟରରେ ରଖାଯାଇ ୪୪ର ଅବସ୍ଥା ଗୁରୁତର ରହିଛି। ପଞ୍ଜାବରେ ଏପର୍ଯ୍ୟନ୍ତ ୮୨୬୪ ସଂକ୍ରମିତଙ୍କର ମୃତ୍ୟୁ ହୋଇଛି।