ରାଜ୍ୟସ୍ତରୀୟ ଫିଟ୍ ଇଣ୍ଡିଆ କ୍ବିଜ୍ ବିଜେତାଙ୍କୁ ପୁରସ୍କୃତ କଲେ କେନ୍ଦ୍ର କ୍ରୀଡ଼ାମନ୍ତ୍ରୀ
ମୁମ୍ବାଇ : ରାଜ୍ୟସ୍ତରୀୟ ଫିଟ୍ ଇଣ୍ଡିଆ କ୍ବିଜ୍ ପ୍ରତିଯୋଗିତାର ବିଜେତାମାନଙ୍କୁ ଗୁରୁବାର ମୁମ୍ବାଇଠାରେ କେନ୍ଦ୍ର ଯୁବସେବା ଓ କ୍ରୀଡ଼ା ମନ୍ତ୍ରାଳୟ ଦ୍ବାରା ଆୟୋଜିତ ଏକ ଉତ୍ସବରେ କ୍ରୀଡ଼ାମନ୍ତ୍ରୀ ଅନୁରାଗ ଷଡ଼ଙ୍ଗୀ ପୁରସ୍କାର ପ୍ରଦାନ କରିଛନ୍ତି। ଏଥିରେ ବିଭିନ୍ନ ରାଜ୍ୟର ୩୬ ବିଦ୍ୟାଳୟ ଓ ୭୨ ଛାତ୍ରଛାତ୍ରୀ ପୁରସ୍କୃତ ହୋଇଥିଲେ ଏବଂ ୯୯ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରି ଓ ମାର୍ଚ ମଧ୍ୟରେ ଆୟୋଜିତ ରାଜ୍ୟସ୍ତରୀୟ ପ୍ରତିଯୋଗିତାରେ ୩୬୦ ବିଦ୍ୟାଳୟ ଭାଗନେଇଥିଲେ। ମୋଟ ଉପରେ ଏହି ଫିଟ୍ ଇଣ୍ଡିଆ କ୍ବିଜ୍ ପ୍ରତିଯୋଗିତାରେ ୧୩,୫୦୦ ବିଦ୍ୟାଳୟରୁ ୩୬,୨୯୯ ପିଲା ଅଂଶଗ୍ରହଣ କରିଥିଲେ। ମହାରାଷ୍ଟ୍ରର ପି ଗରୋଡିଆ ବିଦ୍ୟାଳୟର ତନୟ ଗୌତମ ସେଠ ଓ ଆକାଶ ବିଶ୍ବନାଥ ରାଜ୍ୟସ୍ତରରେ ବିଜେତା ହୋଇଥିଲେ। ୩୬ ଦଳ (ପ୍ରତି ଦଳର ୨ ଛାତ୍ରଛାତ୍ରୀ) ଏବଂ ସେମାନଙ୍କ ବିଦ୍ୟାଳୟକୁ ପୁରସ୍କାର ରାଶି ମିଳିଥିଲା। ବିଦ୍ୟାଳୟକୁ ୨,୫୦,୦୦୦ ଏବଂ ପିଲାଙ୍କୁ ୧୨,୫୦୦ ଟଙ୍କା ଲେଖାଏଁ ମିଳିଥିଲା।