ଭାରତର ଏହି ରେଳଷ୍ଟେସନ ସାମ୍ନାରେ ଫିକା ପଡିଯିବ ବିମାନବନ୍ଦରର ସୌନ୍ଦର୍ଯ୍ୟ
ଇନ୍ଦୋର: ଷ୍ଟେସନରେ ପଶିଗଲେ ଲାଗିବ ବିମାନବନ୍ଦରକୁ ଆସିଛନ୍ତି | ଆଉ ଭିତରେ ଶୁଣିବାକୁ ପାଇବେ ‘ଯାତ୍ରୀଗଣ କୃପୟା ଧ୍ୟାନ ଦିଜିଏ, ଗାଡି କ୍ରମାଙ୍କ ଏକ ନମ୍ବର ପ୍ଲାଟଫର୍ମ ପେ ଆ ରହି ହେ’ | ଠିକ ବିମାନବନ୍ଦରର ଭ୍ରମ ସୃଷ୍ଟି କରୁଥିବା ଭାରତର ଏହି ସ୍ୱତନ୍ତ୍ର ରେଳଷ୍ଟେସନ ବାବଦରେ ଆଜି ଆମେ ଆପଣଙ୍କୁ କହିବୁ |ମଧ୍ୟପ୍ରଦେଶର ହବିବଗଞ୍ଜ ରେଳ ଷ୍ଟେସନ ନିର୍ମାଣ କାର୍ଯ୍ୟ ଶେଷ ହୋଇଛି ଏବଂ ଏହାର ନୂତନ କୋଠାକୁ ଦେଖିଲେ ୟୁରୋପୀୟ ଦେଶର କୋଠା ଭଳି ଲାଗିବ । ଆଭ୍ୟନ୍ତରୀଣ ଆଲୋକୀକରଣ ସହ ଚମକୁଥିବା ଷ୍ଟେସନ ଏକ ନୂଆ ଭ୍ରମ ସୃଷ୍ଟି କରିବ |
Sambad is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶରେ ପଶ୍ଚିମ କେନ୍ଦ୍ରୀୟ ରେଳବାଇର ଭୋପାଳ ଡିଭିଜନର ହବିବଗଞ୍ଜ ରେଳ ଷ୍ଟେସନର ପୁନଃନିର୍ମାଣ କାର୍ଯ୍ୟ ପିପିପି ମୋଡରେ କରାଯାଇଛି। ହବିବଗଞ୍ଜ ରେଳ ଷ୍ଟେସନ ଦେଶରେ ପିପିପି ମୋଡ଼ ବା ପବ୍ଲିକ-ପ୍ରାଇଭେଟ ପାର୍ଟନରସିପରେ ପ୍ରଥମ ରେଳ ଷ୍ଟେସନ ହୋଇପାରିଛି | ନଭେମ୍ବର ୧୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ଉଦଘାଟନ କରିବେ।
ଏଭଳି ନୂଆ ବ୍ୟବସ୍ଥା ରହିଛି ଏହି ଷ୍ଟେସନରେ
ଷ୍ଟେସନରେ ବିମାନବନ୍ଦର ପରି ଖୁଚୁରା ଆଉଟଲେଟ, କାଫେଟେରିଆ ସହିତ ଲିଫ୍ଟ, ବିଳାସମୟ ପ୍ରତୀକ୍ଷାଳୟ, ଗେମିଂ ଜୋନ୍, ଭୂତଳ ମାର୍ଗ ରହିଛି | ଷ୍ଟେସନ ବିଲ୍ଡିଂକୁ ସମ୍ପୂର୍ଣ୍ଣ ଏଲଇଡି ଆଲୋକ ସହ ବ୍ୟବସ୍ଥିତ ପାର୍କିଂ, ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର କକ୍ଷ, ବୈଦ୍ୟୁତିକ ଯାନ ପାଇଁ ଚାର୍ଜିଂ ପଏଣ୍ଟ ପ୍ରସ୍ତୁତ କରାଯାଇଛି | ଚାରି ଚକିଆ ଯାନ, ଦୁଇ ଚକିଆ ଯାନ, ରିକ୍ସା, ଟ୍ୟାକ୍ସି ଏବଂ ବସ୍ ପାଇଁ ପାର୍କିଂ ଯୋଗାଇ ଦିଆଯାଇଛି।