ଉତ୍ତରପ୍ରଦେଶ : ବିଜେପି ବିଧାୟକଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଥିବା ମହିଳା ସଡ଼କ ଦୁର୍ଘଟଣାରେ ଗୁରୁତର ଆହତ
ନୂଆଦିଲ୍ଲୀ : ଗତ ବର୍ଷ ଉତ୍ତରପ୍ରଦେଶର ବିଜେପି ବିଧାୟକ କୁଲଦୀପ ସିଂ ସେନଗରଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣି ଚର୍ଚ୍ଚାକୁ ଆସିଥିବା ଉତ୍ତରପ୍ରଦେଶର ଉନ୍ନାଓର ମହିଳା ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି । ତାଙ୍କ ସହିତ ଥିବା ତାଙ୍କ ମା’ ଓ ଓକିଲ ଏହି ଦୁର୍ଘଟଣାେରେ ପ୍ରାଣହରାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ରବିବାର ଦିନ ଏହି ତିନିଜଣ ଏକ କାରରେ ଯାଉଥିବାବେଳେ ରାୟବରେଲୀ ନିକଟରେ ଏକ ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା । ଘଟଣସ୍ଥଳରେ ପୀଡିତାଙ୍କ ମା ଓ ତାଙ୍କ ଓକିଲ ପ୍ରାଣ ହରାଇଥିଲେ । କିନ୍ତୁ ପୀଡିତା ଏହି ଦୁର୍ଘଟଣାରେ ଗୁରୁତର ଆହତ ହୋଇଥିଲେ । ଦୁର୍ଘଟଣା ସମୟରେ ବର୍ଷ ହେଉଥିବା ଜଣାଯାଇଛି ।
ଗତ ବର୍ଷ ଏପ୍ରିଲ ମାସରେ ଏହି ପୀଡିତା ଉନ୍ନାଓର ବିଜେପି ବିଧାୟକ କୁଲଦୀପ ସିଂ ସେନଗରଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣି ଚର୍ଚ୍ଚାକୁ ଆସିଥିଲେ । ତାଙ୍କ ଏପଆଇଆର ପୁଲିସ ରଖୁନଥିବା ଅଭିଯୋଗ କରି ସେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବାସଭବନ ଆଗରେ ଆତ୍ମହତ୍ୟା ଉଦ୍ୟମ କରିଥିଲେ ।