ଭାରତର ଅଧିକାଂଶ ସାଂସଦଙ୍କ ନାଁରେ ଅପରାଧିକ ମାମଲା : ସିଂଗାପୁର ପ୍ରଧାନମନ୍ତ୍ରୀ
ତୀବ୍ର ପ୍ରତିବାଦ ଜଣାଇଲା ଭାରତ
ନୂଆଦିଲ୍ଲୀ : ସିଂଗାପୁର ସଂସଦରେ ସେଠାକାର ପ୍ରଧାନମନ୍ତ୍ରୀ ଲି ସିଏନ ଲୁଙ୍ଗ ଦେଇଥିବା ଏକ ବୟାନ ବିବାଦ ସୃଷ୍ଟି କରିଛି । ଏହି ବୟାନର ପ୍ରତିବାଦ କରିବାକୁ ଯାଇ ଭାରତ ସରକାର ସିଂଗାପୁର ରାଷ୍ଟ୍ରଦୂତଙ୍କୁ ଡକାଇ ଆପତ୍ତି ଜଣାଇଛନ୍ତି । ଭାରତୀୟ ସାଂସଦମାନଙ୍କୁ ଅପରାଧୀ କହିବାକୁ ନେଇ ଭାରତ ତୀବ୍ର ଆପତ୍ତି ଉଠାଇଛି ।
Sambad is now on WhatsApp
Join and get latest news updates delivered to you via WhatsApp
ସିଂଗାପୁର ସଂସଦର ଏକ ବିତର୍କରେ ଭାଗ ନେଇ ଲୁଙ୍ଗ କହିଥିଲେ ଯେ ସ୍ବାଧୀନତା ପାଇଥିବା ଅଧିକାଂଶ ଦେଶ ଆରମ୍ଭରୁ ଉଚ୍ଚ ମୂଲ୍ୟବୋଧ ଓ ଆଦର୍ଶକୁ ନେଇ ଆରମ୍ଭ ହୋଇଥାନ୍ତି । ସ୍ବାଧୀନତା ସଂଗ୍ରାମ ଲଢିଥିବା ନେତାମାନେ ଉଚ୍ଚ ମୂଲ୍ୟବୋଧ ବିଶିଷ୍ଟ ହୋଇଥାନ୍ତି । ସେମାନଙ୍କ ମଧ୍ୟରେ ରହିଛନ୍ତି ଡେଭିଡ୍ ବେନ-ଗୁରିଅନ୍ସ ଓ ଜବାହର ଲାଲ ନେହେରୁ ଇତ୍ୟାଦି । କିନ୍ତୁ ପରେ ରାଜନୀତିର ଧାରା ଓ ରାଜନୀତିଜ୍ଞଙ୍କ ପ୍ରତି ଲୋକଙ୍କ ସମ୍ମାନ ହ୍ରାସ ପାଏ ଓ ଲୋକମାନେ ଭାବନ୍ତି ଏହା ହିଁ ସ୍ବାଭାବିକ ସ୍ଥିତି ଓ ଏହାଠାରୁ ଅଧିକ କିଛି ଆଶା କରିବା ବୃଥା । ଏକ ଉଦାହରଣ ଦେଇ ସେ କହିଥିଲେ, ଜବାହରଲାଲ ନେହେରୁଙ୍କ ଦେଶ ଭାରତର ଲୋକସଭାରେ ଏବେ ଅଧାରୁ ଅଧିକ ସାଂସଦଙ୍କ ନାଁରେ ଅପରାଧିକ ମାମଲା ରହିଛି, ଯଦିଓ ଏଗୁଡିକ ମଧ୍ୟରୁ କେତେକ ମାମଲା ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ହୋଇଥାଇପାରେ ।