ଉତ୍ତରପ୍ରଦେଶ : ୧୧୪ ଟି ଟ୍ରେନରେ ଫେରୁଛନ୍ତି ୧.୨୦ ଲକ୍ଷ ପ୍ରବାସୀ
ନୂଆଦିଲ୍ଲୀ : ଉତ୍ତର ପ୍ରଦେଶରେ ଆଗକୁ ସ୍ଥିତି ଖରାପ ହେବାକୁ ଯାଉଛି । କାରଣ ଆଜି ରାତି ସୁଦ୍ଧା ଉତ୍ତରପ୍ରଦେଶକୁ ୧୧୪ଟି ଟ୍ରେନରେ ପ୍ରାୟ ୧ ଲକ୍ଷ ଲୋକ ଫେରିବାର ସମ୍ଭାବନା ରହିଛି । ଆଉ ୯୮ଟି ଟ୍ରେନ ରବିବାର ଓ ସୋମାବାରଦିନ ଉତ୍ତରପ୍ରଦେଶରେ ପହଞ୍ଚିବ । ଆହୁରି ୧୫ରୁ ୨୦ଟି ଟ୍ରେନ ଚଳାଇବାକୁ ଯୋଜନା ଚାଲିଛି ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ଅତିରିକ୍ତ ମୁଖ୍ୟ ଶାସନ ସଚିବ ଅବନିଶ ଅଓ୍ୱସ୍ତି କହିଛନ୍ତି ଯେ ଶନିବାର ସକାଳ ସୁଦ୍ଧା ୯୭ଟି ଟ୍ରେନ ପହଞ୍ଚିଛି । ଶନିବାର ରାତି ସୁଦ୍ଧା ଆଉ ୧୭ଟି ଟ୍ରେନ ଆସିବ । ଏଗୁଡ଼ିକ ମାଧ୍ୟମରେ ପ୍ରାୟ ୧ ଲକ୍ଷ ୨୦ ହଜାର ଲୋକ ରାଜ୍ୟକୁ ଫେରିଛନ୍ତି ।
ଏସବୁ ଟ୍ରେନ ଗୁଡ଼ିକ ରାଜ୍ୟର ୩୬ଟି ଷ୍ଟେସନରେ ପହଞ୍ଚିଛି । ସର୍ବାଧିକ ଟ୍ରେନ ଲକ୍ଷ୍ନୌ ଓ ଗୋରଖପୁର ଷ୍ଟେସନରେ ପହଞ୍ଚିଛି । କେନ୍ଦ୍ର ସରକାର ଆଉ ୯୮ଟି ଟ୍ରେନ ଚଳାଚଳ ପାଇଁ ମଂଜୁରୀ ଦେଇଛନ୍ତି । ସେଗୁଡ଼ିକ ପ୍ରବାସୀ ଶ୍ରମିକମାନଙ୍କୁ ନେଇ ରବିବାର ଓ ସୋମବାର ସୁଦ୍ଧା ପହଞ୍ଚିବ ବୋଲି ସେ କହିଛନ୍ତି ।