ବିବାହ ବେଳେ ବର ଚୁମ୍ବନ ଦେବାରୁ ଥାନାରେ ପଞ୍ଚିଗଲା କନ୍ୟା

ସମ୍ଭଲ : ଉତ୍ତରପ୍ରଦେଶର ସମ୍ଭଲ ଜିଲ୍ଲାରେ ହୋଇଥିବା ଏକ ବିବାହ ଚାଲିଥିବାବେଳେ ବର ହଠାତ କନ୍ୟାକୁ ଚୁମ୍ବନ ଦେଇଥିଲା । ଏହି ଘଟଣା ଦେଶରେ ବେଶ ଚର୍ଚ୍ଚାର ବିଷୟ ହୋଇଥିଲା । କିନ୍ତୁ ଏହି ଘଟଣାରେ କନ୍ୟା ରାଗିଯାଇ ବିବାହରୁ ଓହରି ଯାଇଥିଲା । କେବଳ ଏତିକି ନୁହେଁ, ସେ ଅଭିଯୋଗ ଦାଖଲ କରିବାକୁ ପୋଲିସ ଷ୍ଟେସନକୁ ଯାଇଥିଲେ ଏବଂ ପୋଲିସକୁ କହିଥିଲେ ଯେ ସେ ଆଉ ବର ସହିତ ରହିବାକୁ ଚାହୁଁନାହାଁନ୍ତି ।

ଗଣମାଧ୍ୟମ ସହିତ କଥାବାର୍ତ୍ତା ବେଳେ ବର କହିଛନ୍ତି, ଯଦି ସେ ୩୦୦ ଲୋକଙ୍କ ସାମ୍ନାରେ ନିଜକୁ ନିୟନ୍ତ୍ରଣ କରିପାରୁନାହାନ୍ତି, ତେବେ ଭବିଷ୍ୟତରେ ସେ କିପରି ଆଚରଣ କରିବେ ?

ବିବାହ ଦିନ ବର ବରକୁ ଫୁଲମାଳ ପିନ୍ଧାଇବା ପରେ ଦୁହେଁ ମଞ୍ଚରେ ବସିଥିବା ବେଳେ ବର କନ୍ୟାକୁ ଚୁମ୍ବନ ଦେଇଥିଲେ । ବରର ଏପରି କାର୍ଯ୍ୟରେ କ୍ରୋଧିତ ହୋଇ କନ୍ୟା ଉଠି ବିବାହ ସ୍ଥାନରୁ ବାହାରକୁ ଚାଲିଗଲେ ।

କନ୍ୟାର ପରିବାର ତାଙ୍କୁ ଶାନ୍ତ କରିବାରେ ବିଫଳ ହେବା ପରେ ତାଙ୍କୁ ବାହଜୋଇର ପୋଲିସ ଷ୍ଟେସନକୁ ନେଇଥିଲେ। ବାହଜୋଇ ଥାନା ଅଧିକାରୀ କହିଛନ୍ତି ଯେ ଉଭୟ ପକ୍ଷ ଏକ ରାଜିନାମାରେ ପହଞ୍ଚିଛନ୍ତି ଏବଂ ଏହି ଦମ୍ପତି ବର୍ତ୍ତମାନ ଅଲଗା ଅଛନ୍ତି ଏବଂ ତେଣୁ କୌଣସି ପୋଲିସ କାର୍ଯ୍ୟାନୁଷ୍ଠାନ ଆବଶ୍ୟକ ନାହିଁ।