“ଆଉ ଅପରାଧ କରିବି ନାହିଁ, ମୋତେ ଗୁଳି ମାରନି” ନାମୀ ଅପରାଧୀ ଦେହରେ ପ୍ଲାକାର୍ଡ ଝୁଲାଇ ଆତ୍ମସମର୍ପଣ କଲା

ଆମରୋହା (ଉତ୍ତରପ୍ରଦେଶ) : ଉତ୍ତରପ୍ରଦେଶରେ ଯୋଗୀ ଆଦିତ୍ୟନାଥ ମୁଖ୍ୟମନ୍ତ୍ରୀ ହେବା ପରେ ସବୁ ଅପରାଧୀଙ୍କ ପାଇଁ ଶନିଦଶା ଆସିଯାଇଥିବା କୁହାଯାଉଛି । ଉତ୍ତରପ୍ରଦେଶରୁ ଅପରାଧକୁ ଦମନ କରିବାକୁ ଯୋଗୀ ପୁଲିସର ହାତ ଖୋଲିଦେଇଛନ୍ତି । ପୁଲିସ ମଧ୍ୟ ଅପରାଧୀଙ୍କୁ ଖୋଜି ଖୋଜି ଏନକାଉଣ୍ଟର କରୁଛି । ଏହା ଫଳରେ ଯୋଗୀ ମୁଖ୍ୟମନ୍ତ୍ରୀ ହେବା ପରେ ଏପର୍ଯ୍ୟନ୍ତ ୧୭୦୦ ଏନକାଉଣ୍ଟର ହୋଇଛି ଓ ଏଥିରେ ୫୦ ଜଣ ଅପରାଧୀ ପ୍ରାଣ ହରାଇଛନ୍ତି । ଏହାକୁ ନେଇ ୟୁପିର ଅପରାଧୀଙ୍କ ମହଲରେ କୋକୁଆ ଭୟ ସୃଷ୍ଟି ହୋଇଛି । ଅପରାଧୀମାନେ ଏବେ ରାଜ୍ୟ ବାହାରକୁ ଚାଲିଯାଉଛନ୍ତି କିମ୍ବା ଆତ୍ମସମର୍ପଣ କରୁଛନ୍ତି ।

 

‘‘मैं कसम खाता हूॅ कि कभी अपराध नहीं करूँगा’’ यह कहकर पुलिस कार्यालय में आत्मसमर्पण करते हुए अपराध से तौबा की वर्ष 2014 से वांछित् चल रहे 12000 रूपये के ईनामी अभियुक्त फैजान उर्फ खन्ना ने। #uppolice @Uppolice @adgzonebareilly @PremPrakashIPS @digmoradabad pic.twitter.com/Q88aiM9upC

— Amroha Police (@amrohapolice) May 9, 2018

ଏପରି ଏକ ଅଜବ ଅପରାଧୀ ଉତ୍ତରପ୍ରଦେଶର ଆମରୋହାଠାରେ ଆତ୍ମସମର୍ପଣ କରିଛି । ଫୈଜାନ ଅହମଦ ନାମକ ଏହି ଅପରାଧୀ ନାଁରେ ବିଭିନ୍ନ ଡକାୟତି, ହତ୍ୟାଉଦ୍ୟମ ଆଦି ମାମଲା ରହିଛି । ସେ ଗତକାଲି ଆମରୋହା ଏସପିଙ୍କ ଅଫିସରେ ହାଜର ହୋଇ ଆତ୍ମସମର୍ପଣ କରିଛି । ତେବେ ଏନକାଉଣ୍ଟର ଭୟରେ ସେ ନିଜ ଛାତିରେ ଏକ ପ୍ଲାକାର୍ଡ ମାରି ଗତ କିଛି ଦିନ ହେଲା ବୁଲୁଥିଲା । ସେଥିଲେ ଲେଖା ରହିଛି, “ମୁଁ ଆଉ କେବେ ଜୀବନରେ ଅପରାଧ କରିିବି ନାହିଁ, ମୋତେ ଗୁଳି ମାର ନାହିଁ”। ଆତ୍ମସମର୍ପଣ ପୂର୍ବରୁ ସେ ଗଣମାଧ୍ୟମ କର୍ମୀଙ୍କ ମାଧ୍ୟମରେ ପୁଲିସ ନିକଟକୁ ଏନକାଉଣ୍ଟର ନ କରିବା ପାଇଁ ଖବର ପଠାଇଥିଲା । ତା ପରେ ସେ ଏସପି ଅଫିସ ଯାଇ ଏଏସପି ବ୍ରିଜେଶ ସିଂଙ୍କ ନିକଟରେ ଆତ୍ମସମର୍ପଣ କରିଥିଲା । ତାକୁ ପୁଲିସ ଗିରଫ କରି ଜେଲକୁ ପଠାଇଦେଇଛି । ଏହି ଅବସରରେ ସେ କହିଛି ଯେ ସେ ବରଂ ସାରାଜୀବନ ଜେଲରେ ରହିବ କିନ୍ତୁ ଆଉ ଅପରାଧ କରିବନାହିଁ ।