ଯୋଗୀ ସରକାରଙ୍କ ମନ୍ତ୍ରୀଙ୍କ ଉପରେ ବୋହୂ ଆଣିଲେ ଯୌତୁକ ନିର୍ଯାତନା ଅଭିଯୋଗ, ପ୍ରଧାନମନ୍ତ୍ରୀ ମୋଦୀଙ୍କୁ ମାଗିଲେ ସାହାଯ୍ୟ

ନୂଆଦିଲ୍ଲୀ: ଉତ୍ତରପ୍ରଦେଶ ଯୋଗୀ ଆଦିତ୍ୟନାଥଙ୍କ ସରକାରରେ ମନ୍ତ୍ରୀ ଥିବା ଆଶୁତୋଷ ଟଣ୍ଡନଙ୍କ ପରିବାର ଉପରେ ଯୌତୁକ ନିର୍ଯାତନା ଅଭିଯୋଗ ଆଣିଛନ୍ତି ତାଙ୍କ ବୋହୂ । ଅଭିଯୋଗ ଆଣିଥିବା ବୋହୂ ଦିଶା ହେଉଛନ୍ତି ଆଶୁତୋଷ ଟଣ୍ଡନଙ୍କ ଭାଇ ଦିବଂଗତ ଲାଲାଜୀ ଟଣ୍ଡନଙ୍କର ପୁତ୍ରବଧୂ। ଦିଶାଙ୍କ ଅଭିଯୋଗ ମୁତାବକ, ମନ୍ତ୍ରୀଙ୍କ ପରିବାର ଲୋକେ ତାଙ୍କୁ ଯୌତୁକ ନିର୍ଯାତନା ଦେଉଛନ୍ତି । ଏନେଇ ଦିଶା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ନ୍ୟାୟ ପାଇଁ ଗୁହାରୀ କରିଛନ୍ତି ।

ଦିଶା ଟ୍ୱିଟରରେ ଏକ ଭିଡିଓ ବି ସେୟାର କରିଛନ୍ତି । ଏଥିରେ ସେ ଦାବି କରିଛନ୍ତି ଯେ, “ମୁଁ ଦିଶା ଟଣ୍ଡନ, ଲାଲାଜୀ ଟଣ୍ଡନଙ୍କର ପୁତ୍ରବଧୂ । କ୍ୟାବିନେଟ୍ ମନ୍ତ୍ରୀ ଆଶୁତୋଷ ଟଣ୍ଡନଙ୍କ ପରିବାର ପକ୍ଷରୁ ମୋତେ ଯୌତୁକ ନିର୍ଯାତନା ଦିଆଯାଇଛି । ଏନେଇ ମୁଁ ଥାନାରେ ଅଭିଯୋଗ କରିବାକୁ ଯାଇଥିଲେ ବି ଥାନାରେ ମୋ ମାମଲା ଦାଖଲ କରାଯାଉ ନାହିଁ । ”

ଭିଡିଓରେ ଦିଶା କହୁଛନ୍ତି ଯେ, “ମୁଁ ଏନେଇ ବିଭିନ୍ନ ସ୍ଥାନକୁ ଅଭିଯୋଗ କରିବାକୁ ଯାଇଥିବା ବେଳେ କୌଣସି ସ୍ଥାନରେ ମୋ ଅଭିଯୋଗକୁ ଗ୍ରହଣ କରାଯାଉ ନାହିଁ । ଆଶୁତୋଷ ଟଣ୍ଡନ କ୍ଷମତାରେ ଥିବାରୁ ତାଙ୍କୁ ଭୟ କରି ଥାନା କିମ୍ବା ମହିଳା କମିଶନ ମୋ ଅଭିଯୋଗ ଗ୍ରହଣ କରୁ ନାହାଁନ୍ତି”। ଦିଶା ଶନିବାର ଦିନ ନିଜ ଟ୍ୱିଟର ହ୍ୟାଣ୍ଡଲରେ ଏହି ଭିଡିଓ ସେୟାର କରିଥିବା ଦେଖାଯାଇଛି