କମ୍ପାନିକୁ ଦୁଗ୍ଧ ନପଠାଇ ଆନ୍ଦୋଳନସ୍ଥଳକୁ ପଠାଇବେ ଉତ୍ତରପ୍ରଦେଶ ଚାଷୀ
ଲକ୍ଷ୍ନୌ: କେନ୍ଦ୍ର ସରକାରଙ୍କ ଦ୍ୱାରା ପାରିତ ନୂତନ କୃଷି ଆଇନକୁ ବିରୋଧ କରି ଦିଲ୍ଲୀର ବିଭିନ୍ନ ସୀମାରେ କୃଷକମାନେ ଆନ୍ଦୋଳନ ଜାରି ରଖିଛନ୍ତି । ହେଲେ ଏବେ ଉତ୍ତରପ୍ରଦେଶର ଅମରେହାରେ କୃଷକମାନେ ଏକ ନୂଆ ଆନ୍ଦୋଳନ କରିଥିବା ଜଣାପଡିଛି । ଏହି ଅନ୍ଦୋଳନରେ କୃଷକମାନେ କ୍ଷୀର ନ ବିକିବାକୁ ନିଷ୍ପତ୍ତି ନେଇଛନ୍ତି। ଫଳରେ ସେଠାରେ ଦୁଗ୍ଧ ସଂକଟ ଦେଖାଯିବା ଏକ ପ୍ରକାର ନିଶ୍ଚିତ ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅମରେହା ଜିଲ୍ଲା ରସୁଲପୁର ଗ୍ରାମର କୃଷକମାନେ ସେମାନଙ୍କ ଦ୍ୱାରା ଉତ୍ପାଦିତ ଦୁଗ୍ଧକୁ ଦୁଗ୍ଧ ପ୍ରକ୍ରିୟାକରଣ କମ୍ପାନି କିମ୍ବା ଖୋଲା ବଜାରରେ ବିକ୍ରି ନ କରିବାକୁ ନିଷ୍ପତ୍ତି ନେଇଛନ୍ତି । ଏହାସହ ନିକଟସ୍ଥ ସହର ଓ ବଜାରକୁ ବାହାର ଜିଲ୍ଲାରୁ ଦୁଗ୍ଧ ନେଇ ଆସୁଥିବା ଗାଡ଼ିଗୁଡିକୁ ଅଟକାଇ ସେମାନଙ୍କ ଉପରେ ଜରିମାନା ଲଗାଯାଉଛି । ଏହା ସହ ଡ୍ରାଇଭରକୁ ଅଟକ ରଖିବା ସହ ଗାଡି ଚକାକୁ ଲିକ୍ କରିଦେବାର ଧମକ ଦିଆଯାଉଛି । କେବଳ ଅମରେହା ନୁହେଁ ଶାହାଜାଦପୁର ଗାଁରେ ବି ସମାନ ଚିତ୍ର ଦେଖିବାକୁ ମିଳିଛି । ସେଠାରେ ଦୁଗ୍ଧ ଚାଷୀମାନେ ଖୋଲା ବଜାରରେ ଦୁଗ୍ଧ ବିକ୍ରି ବନ୍ଦ କରିଦେବା ସହ ଅନ୍ୟ ଜିଲ୍ଲାର ଚାଷୀମାନଙ୍କୁ ଏଭଳି କରିବାକୁ ପରାମର୍ଶ ଦେଉଛନ୍ତି । ଫଳରେ ସ୍ଥାନୀୟ ବଜାରମାନଙ୍କରେ ଦୁଗ୍ଧର ଅଭାବ ଅନୁଭୂତ ହୋଇଛି ।