ୟୁପି ବେଆଇନ ମାଂସ କାରଖାନା ମାମଲା, ପୂର୍ବତନ ମନ୍ତ୍ରୀଙ୍କ ୧୦୦ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ
ମେରୁଟ: ବେଆଇନ ମାଂସ କାରଖାନା ଚଳାଉଥିବା ମାମଲାରେ ମିରଟ୍ ଜିଲ୍ଲା ପ୍ରଶାସନ ପକ୍ଷରୁ ଉତ୍ତର ପ୍ରଦେଶର ପୂର୍ବତନ ମନ୍ତ୍ରୀ ହାଜି ୟାକୁବ କୁରେସିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି। ତାଙ୍କର ୧୦୦ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
କିଛି ମାସ ପୂର୍ବେ କୁରେସିଙ୍କ କାରଖାନାରେ ଚଢ଼ଉ ସମୟରେ ୫କୋଟି ଟଙ୍କାର ବେଆଇନ ମାଂସ ଜବତ କରାଯାଇଥିଲା। ଉକ୍ତ ମାମଲାରେ ମାର୍ଚ୍ଚ ୩୧ରେ କୁରେସି, ତାଙ୍କ ପତ୍ନୀ ସଞ୍ଜିଦା ବେଗମ ଏବଂ ୨ ପୁଅଙ୍କ ସମେତ ଅନ୍ୟ ୧୭ ଜଣଙ୍କ ନାମରେ ମାମଲା ରୁଜୁ କରାଯାଇଥିଲା। ତେବେ ଘରକୁ ନୋଟିସ୍ ଆସିବା ପରେ ମଧ୍ୟ କୁରେସି ପୁଲିସ ନିକଟରେ ହାଜର ହୋଇନଥିଲେ। ଗତକାଲି ପୁଲିସର ଏକ ଟିମ୍ ତାଙ୍କ ଘରେ ଚଢ଼ଉ କରିଥିଲା।