ଲକ୍ଷ୍ନୌ: ସମାଜବାଦୀ ପାର୍ଟିର ସଭାପତି ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ସୋମବାର ରାଜ୍ୟ ସରକାରଙ୍କ ଆଇନ ଶୃଙ୍ଖଳା ସ୍ଥିତିକୁ ଟାର୍ଗେଟ କରି କହିଛନ୍ତି ଯେ 'ସହଜରେ ଅପରାଧ କରିବା' ରେ ଉତ୍ତରପ୍ରଦେଶ ଏବେ ଦେଶରେ  ଏକ ନମ୍ବର ସ୍ଥାନରେ ରହିଛି। ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ  ଏସପି ମୁଖ୍ୟ ଲକ୍ଷ୍ନୌ ଏବଂ ସାହାରନପୁରରେ ହୋଇଥିବା ଚୋରି ଓ ଡକାୟତି ଘଟଣା ସମ୍ପର୍କରେ କହିଛନ୍ତି ଯେ, ସହଜରେ ଅପରାଧ ଘଟାଇବାରେ ୟୁପି ବର୍ତ୍ତମାନ ଏକ ନମ୍ବର ସ୍ଥାନରେ ରହିଛି।

Advertisment

ଏହି ପୋଷ୍ଟରେ ଯାଦବ ରାଜ୍ୟ ରାଜଧାନୀର ଚିନହଟ ଅଞ୍ଚଳରେ ଥିବା ଏକ ବ୍ୟାଙ୍କରେ  ବଡ଼ ଧରଣର ଡକାୟତିର ଫଟୋ ସେୟାର କରି କହିଛନ୍ତି, ଆଜିର ଏପିସୋଡ୍… ଲକ୍ଷ୍ନୌର ଓଭରସିଜ୍ ବ୍ୟାଙ୍କ, ଯେଉଁଠାରେ ଲକର କାଟି ମୂଲ୍ୟବାନ ସମ୍ପତ୍ତି ଚୋରି ହୋଇଛି। ଗତକାଲି ସାହାରନପୁରରେ ଏକ ବ୍ୟାଙ୍କ ଲୁଟ୍ ହୋଇଥିଲା। 

ଅଖିଳେଶ ସାହାରନପୁର ଡକାୟତିର ଭିଡିଓକୁ ଏକ ପୃଥକ ପୋଷ୍ଟରେ ସେୟାର କରିଛନ୍ତି। ଲକ୍ଷ୍ନୌରେ ଇଣ୍ଡିଆନ୍ ଓଭରସିଜ୍ ବ୍ୟାଙ୍କର ଚିନହଟ୍ ଶାଖାର କିଛି ଲକର ଭଙ୍ଗା ଯାଇଥିବା ବେଳେ ବହୁ ସାମଗ୍ରୀ ନିଖୋଜ ଥିବା ଜଣାପଡିଛି। ଲକ୍ଷ୍ନୌର ମଟିୟାରିରେ ଅବସ୍ଥିତ ଶାଖାରେ ଏହି ଚୋରି ହୋଇଥିଲା। ବ୍ୟାଙ୍କ ମ୍ୟାନେଜର ସନ୍ଦୀପ ସିଂ କହିଛନ୍ତି ଯେ, ସେ ସନ୍ଦେହ କରୁଛନ୍ତି ଚୋରମାନେ ବ୍ୟାଙ୍କର ଖାଲି ଜମି କାନ୍ଥରେ କଡ଼ କଣା କରି ବିଲଡିଂ ଭିତରେ ଚୋରି କରିଛନ୍ତି। ପୁଲିସ କହିଛି , ଏହି କାମରେ ଚାରି ଜଣ ଲୋକ ଜଡିତ ଥିବା ଜଣାପଡିଛି।

ଅଧିକ ପଢ଼ନ୍ତୁ: ଡୋକଲାମରେ ଚୀନ୍: ଭାରତର ଚିନ୍ତା ପୁଣି ବଢ଼ିଲା

ଲକ୍ଷ୍ନୌର ଓଭରସିଜ୍ ବ୍ୟାଙ୍କରେ ଚୋରି କରିଥିବା ଅପରାଧୀଙ୍କୁ ଏନକାଉଣ୍ଟର ପରେ ପୁଲିସ ଗିରଫ କରିଛି। ପୁଲିସ ଜଣେ ଅପରାଧୀଙ୍କୁ ଗୁଳି କରିଥିଲା। ତାଙ୍କ ଗୋଡରେ ଗୁଳି ବାଜି ଥିଲା  ଫଳରେ ସେ ଖସି ପଳାଇ  ନ ପାରି ଧରା ପଡିଛନ୍ତି।।

ଡେପୁଟି କମିଶନର, ପୂର୍ବ କହିଛନ୍ତି ଯେ, ପୁଲିସ ଡକାୟତି ଘଟଣାର ତଦନ୍ତ କରୁଛି। ଜଣଙ୍କୁ ଗିରଫ କରାଯାଇଛି। ଘଟଣା ସହ ଜଡିତ ଅନ୍ୟ ଲୋକଙ୍କ ସନ୍ଧାନ ଚାଲିଛି।

ଅଧିକ ପଢ଼ନ୍ତୁ: ପ୍ରେମିକା ଲରେନ୍ ସାଞ୍ଚେଜଙ୍କ ସହ ବିବାହ ବନ୍ଧନରେ ବାନ୍ଧି ହେବେ ଜେଫ୍ ବେଜୋସ୍