ଗାଡ଼ି ଚଢ଼ାଇ ଦେବା ଘଟଣାକୁ ନେଇ ଲଖିମପୁର ଫାଇଲ୍ସ କାହିଁକି ନିର୍ମାଣ କରୁନ? ଏଭଳି ପ୍ରଶ୍ନ କଲେ ଅଖିଳେଶ
ନୂଆଦିଲ୍ଲୀ: ଉତ୍ତରପ୍ରଦେଶ ବିଧାନସଭା ନିର୍ବାଚନରେ ପରାଜୟ ପରେ ସମାଜବାଦୀ ପାର୍ଟି (ସପା)ର ରାଷ୍ଟ୍ରୀୟ ସଭାପତି ଅଖିଳେଶ ଯାଦବ ପ୍ରଥମ ଥର ପାଇଁ ଗଣମାଧ୍ୟମ ସାମ୍ନାକୁ ଆସିଛନ୍ତି। ପରାଜୟ ପରେ ସେ ବିଜେପିକୁ ଟାର୍ଗେଟ କରି କହିଛନ୍ତି ଯେ ନିର୍ବାଚନରେ ସମାଜବାଦୀ ପାର୍ଟି ଏକ ନୈତିକ ବିଜୟ ହାସଲ କରିଛି। ଆମେ ହାରି ନାହୁଁ।ଭାରତୀୟ ଜନତା ପାର୍ଟି ସମ୍ମୁଖରେ ମୌଳିକ ପ୍ରସଙ୍ଗ ଛିଡା ହୋଇଛି, ସପା ବୃଦ୍ଧି ପାଇଛି ଏବଂ ବିଜେପି ହ୍ରାସ ପାଇଛି। ବିଜେପି ଏଭଳି ଅନେକ ପ୍ରତିଶ୍ରୁତି ଦେଇ ପୂରଣ କରିନାହିଁ, ଯାହା ପାଇଁ ଅନେକ ଜୀବନ ହାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହା ସହ ଅଖିଳେଶ ‘ଦ କଶ୍ମୀର ଫାଇଲ୍ସ’ ଫିଲ୍ମକୁ ନେଇ କହିଛନ୍ତି ଯେ ଯଦି ଏହି ସିନେମା ତିଆରି ହୋଇପାରିବ ତେବେ ଲଖିମପୁର ଫାଇଲ୍ସ ମଧ୍ୟ ତିଆରି ହୋଇପାରିବ। ସୀତାପୁରରେ ପହଞ୍ଚିଥିବା ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ କହିଛନ୍ତି ଯେ ଯଦି କଶ୍ମୀରର ଫାଇଲ୍ସ ତିଆରି ହୋଇପାରିବ, ତେବେ ଲଖିମପୁରରେ ଗାଡ଼ି ଚଢ଼ାଇ କରାଯାଇଥିବା ହତ୍ୟା ଉପରେ ଲଖିମପୁର ଫାଇଲ୍ସ କାହିଁକି ନିର୍ମାଣ ହୋଇପାରିବ ନାହିଁ?
ଉଲ୍ଲେଖଯୋଗ୍ୟ, ବିବେକ ଅଗ୍ନିହୋତ୍ରୀଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ଏବଂ ଜି ଷ୍ଟୁଡିଓ ଦ୍ୱାରା ନିର୍ମିିତ ଏହି ଚଳଚ୍ଚିତ୍ରରେ ପାକିସ୍ତାନ ସମର୍ଥିତ ଆତଙ୍କବାଦୀଙ୍କ ଦ୍ୱାରା ହିନ୍ଦୁ ସମ୍ପ୍ରଦାୟର ଲୋକଙ୍କ ବ୍ୟବସ୍ଥିତ ହତ୍ୟା ପରେ କାଶ୍ମୀରରୁ କଶ୍ମୀର ପଣ୍ଡିତଙ୍କ ପଳାୟନକୁ ଦର୍ଶାଯାଇଛି। ଏଥିରେ ଅନ୍ୟମାନଙ୍କ ମଧ୍ୟରେ ଅନୁପମ ଖେର, ଦର୍ଶନ କୁମାର, ମିଥୁନ ଚକ୍ରବର୍ତ୍ତୀ ଏବଂ ପଲ୍ଲବୀ ଯୋଶୀ ଅଭିନୟ କରିଛନ୍ତି।