ଉତ୍ତରପ୍ରଦେଶରେ ଦୁଇ ମାଲବାହୀ ଟ୍ରେନ୍‌ ଧକ୍କା

ନୂଆଦିଲ୍ଳୀ: ଫେବ୍ରୁଆରି ୪ ତାରିଖ ଭୋର ୪ଟା ବେଳେ ଉତ୍ତରପ୍ରଦେଶର ଫତେହପୁର ଜିଲ୍ଲାରେ ଦୁଇଟି ମାଲବାହୀ ଟ୍ରେନ୍‌ ଧକ୍କା ହୋଇ ବଡ଼ ଧରଣର ଦୁର୍ଘଟଣା ଘଟିଛି।  ପ୍ରୟାଗରାଜରୁ କାନପୁର ଯାଉଥିବା ଏକ କୋଇଲା ବୋଝେଇ ଟ୍ରେନ୍ ସହ ଆଉ ଗୋଟିଏ ମାଲବାହୀ ଟ୍ରେନ୍ ଧକ୍କା ହୋଇଛି ।

ମିଳିଥିବା ସୂଚନା ମୁତାବକ, ମାଲବାହୀ ଟ୍ରେନ୍ ଲାଲ ସିଗନାଲରେ ଠିଆ ହୋଇଥିବା ବେଳେ, ପଛପଟୁ ଆସି ଆଉ ଗୋଟିଏ ଟ୍ରେନ୍ ଧକ୍କା ଦେଇଥିଲା । ତେବେ ଦୁର୍ଘଟଣା ବେଳକୁ ମାଲବାହୀ ଟ୍ରେନର ଗାର୍ଡ ସୋନୁ ବର୍ମା ଡେଇଁ ପଡ଼ି ନିଜ ଜୀବନ ବଞ୍ଚାଇଥିଲେ କିନ୍ତୁ ଆହତ ହୋଇଥିଲେ।

ମିଳିଥିବା ସୂଚନା ମୁତାବକ, ଦୁର୍ଘଟଣା ଘଟିବା ପରେ ଉଦ୍ଧାର ପ୍ରକ୍ରିୟା ଜାରି ରହିଛି । ଦୁର୍ଘଟଣା ନେଇ ସୂଚନା ମିଳିବା ପରେ, ରେଳ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଛାନଭିନ୍ କରିଥିଲେ । ରେଳବାଇ ସୂତ୍ରରୁ ମିଳିଥିବା ସୂଚନା ମୁତାବକ, ମାଲବାହୀ ଟ୍ରେନଟି ଲାଇନରେ ଠିଆ ହେଇଥିଲା । ଆଉ ସେହି ସମୟରେ ହିଁ ଦୁର୍ଘଟଣା ଘଟିଥିଲା ।