ୟୁପିରେ ହେବ ବିଶ୍ବର ପ୍ରଥମ ଶାଗୁଣା ସଂରକ୍ଷଣ କେନ୍ଦ୍ର
ଗୋରଖପୁର : ଶାଗୁଣା ସଂଖ୍ୟା ହ୍ରାସ ପାଉଥିବାରୁ ଉତ୍ତରପ୍ରଦେଶ ସରକାର ଗୋରଖପୁରରେ ବିଶ୍ୱର ପ୍ରଥମ ଶାଗୁଣା ସଂରକ୍ଷଣ ଏବଂ ପ୍ରଜନନ କେନ୍ଦ୍ର ନିର୍ମାଣ କରୁଛନ୍ତି। ଏହାକୁ ଆଗାମୀ ସେପ୍ଟେମ୍ବର ମାସ ୩ ତାରିଖ ଅନ୍ତର୍ଜତୀୟ ଶାଗୁଣା ସଚେତନତା ଦିବସରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆନୁଷ୍ଠାନିକ ଭାବେ ଉଦ୍ଘାଟନ କରିବେ। ଉତ୍ତରପ୍ରଦେଶର ଗୋରଖପୁର ବନ ବିଭାଗ ଅଧୀନରେ ଥିବା ମହାରାଜଗଞ୍ଜର ଫରେଣ୍ଡାରେ ଏହି ଶାଗୁଣା ସଂରକ୍ଷଣ କେନ୍ଦ୍ରର ନିର୍ମାଣ ହୋଇଛି।