କରୋନା ସଂକ୍ରମଣ ବୃଦ୍ଧି ହେତୁ ଅକ୍ଟୋବର ୧୦କୁ ଘୁଞ୍ଚିଲା ୟୁପିଏସସି ପ୍ରାଥମିକ ପରୀକ୍ଷା
ନୂଆଦିଲ୍ଲୀ: କରୋନା ସଂକ୍ରମଣରେ ବୃଦ୍ଧି ଘଟୁଥିବାରୁ ଘୁଞ୍ଚିଲା କେନ୍ଦ୍ରୀୟ ଲୋକସେବା ଆୟୋଗ (ୟୁପିଏସସି)ର ପ୍ରାଥମିକ ପରୀକ୍ଷା | ପରୀକ୍ଷାଟି ଜୁନ ୨୭ରେ ହେବାକୁ ଥିବା ବେଳେ ଏବେ ସଂକ୍ରମଣ ବୃଦ୍ଧିକୁ ଦେଖି ଏହାକୁ ଅକ୍ଟୋବର ୧୦କୁ ଘୁଞ୍ଚାଇ ଦିଆଯାଇଛି | ଏନେଇ ୟୁପିଏସସି ପକ୍ଷରୁ ସୂଚନା ଦିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ୟୁପିଏସସି ପକ୍ଷରୁ ଜାରି କରାଯାଇଥିବା ନୋଟିସରେ ଲେଖାଯାଇଛି ଯେ, ନୋଭେଲ୍ କରୋନା ଭାଇରସ୍ ପାଇଁ ସୃଷ୍ଟି ହୋଇଥିବା ସ୍ଥିତି ହେତୁ ୟୁପିଏସସିର ପ୍ରାଥମିକ ପରୀକ୍ଷା ଅକ୍ଟୋବର ୧୦, ୨୦୨୧କୁ ସ୍ଥଗିତ ରଖାଯାଇଛି | ଜୁନ ୨୭, ୨୦୨୧ରେ ପରୀକ୍ଷା ହେବାକୁ ଥିବା ବେଳେ ଏବେ ଏହି ପରୀକ୍ଷା ଅକ୍ଟୋବର ୧୦, ୨୦୨୧ରେ ହେବ |
ସୂଚନା ମୁତାବକ, ୨୦୨୧ରେ ୭୧୨ ଟି ପଦବୀ ପାଇଁ ୟୁପିଏସସି ସିଭିଲ ସର୍ଭିସ୍ ପରୀକ୍ଷା କରାଯାଉଛି | ୨୦୨୦ରେ, ସିଭିଲ ସର୍ଭିସ୍ ପରୀକ୍ଷା ମେ ୩୧ରେ ହେବାକୁ ଥିବା ବେଳେ କରୋନା ପାଇଁ ଏହାକୁ ଘୁଞ୍ଚାଇ ଅକ୍ଟୋବର ୪ରେ ପରୀକ୍ଷା କରାଯାଇଥିଲା | ଏ ପର୍ଯ୍ୟନ୍ତ ମୁଖ୍ୟ ଲିଖିତ ପରୀକ୍ଷା ଶେଷ ହୋଇଛି।