କୋଭିଡ୍-୧୯ ମହାମାରୀ କାରଣରୁ ୨୦୨୦ରେ ଶେଷ ସୁଯୋଗ ହରାଇଥିବା ୟୁପିଏସସି ସିଭିଲ ସର୍ଭିସ ପରୀକ୍ଷାର୍ଥୀମାନଙ୍କୁ ଆଉ ଅତିରିକ୍ତ ସୁଯୋଗ ପ୍ରଦାନ କରାଯିବ ନାହିଁ
ନୂଆଦିଲ୍ଲୀ: କୋଭିଡ୍-୧୯ ମହାମାରୀ କାରଣରୁ ୨୦୨୦ରେ ଶେଷ ସୁଯୋଗ ହରାଇଥିବା କେନ୍ଦ୍ରୀୟ ଲୋକସେବା ଆୟୋଗ (ୟୁପିଏସସି)ର ସିଭିଲ ସର୍ଭିସ ପରୀକ୍ଷାର୍ଥୀମାନଙ୍କୁ ଆଉ ଅତିରିକ୍ତ ସୁଯୋଗ ପ୍ରଦାନ କରାଯିବ ନାହିଁ ବୋଲି ଆଜି (ଶୁକ୍ରବାର) କେନ୍ଦ୍ର ସରକାର କହିଛନ୍ତି। ଏ ସମ୍ପର୍କରେ ସୁପ୍ରିମ କୋର୍ଟରେ କେନ୍ଦ୍ର ସରକାର ଏକ ସତ୍ୟପାଠ ଉପସ୍ଥାପନ କରିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ଜାନୁୟାରୀ ୨୫, ୨୦୨୧ରେ ହେବ।
Sambad is now on WhatsApp
Join and get latest news updates delivered to you via WhatsApp
ସୁପ୍ରିମ୍ କୋର୍ଟର ବିଚାରପତି ଜଷ୍ଟିସ୍ ଏମ୍ ଖାନୱିଲକରଙ୍କ ଅଧ୍ୟକ୍ଷତାରେ ଏକ ଖଣ୍ଡପୀଠ, କୋଭିଡ୍-୧୯ ମହାମାରୀ କାରଣରୁ ଅକ୍ଟୋବର ୨୦୨୦ରେ ହୋଇଥିବା ସିଭିଲ ସର୍ଭିସ୍ର ପ୍ରାଥମିକ ପରୀକ୍ଷାରେ ଶେଷ ପ୍ରୟାସରୁ ବଞ୍ଚିତ ହୋଇଥିବା ପ୍ରାର୍ଥୀଙ୍କ ପାଇଁ ୟୁପିଏସ୍ସି ପରୀକ୍ଷାରେ ଅତିରିକ୍ତ ପ୍ରୟାସ କରିବାକୁ ନିବେଦନ ଶୁଣାଣି କରିଥିଲା। ଏ ସଂପର୍କରେ ଜାନୁଆରି ୨୫ରେ ଏକ ସତ୍ୟପାଠ ଦାଖଲ କରିବାକୁ ଅତିରିକ୍ତ-ସଲିସିଟର ଜେନେରାଲ୍ ଏସ.ଭି ରାଜୁଙ୍କୁ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି। ସାଧାରଣ ବର୍ଗର ଛାତ୍ରମାନଙ୍କ ପାଇଁ ୟୁପିଏସ୍ସି ସିଭିଲ୍ ସର୍ଭିସ ପରୀକ୍ଷାର ବୟସ ସୀମା ୨୬ ବର୍ଷକୁ ହ୍ରାସ ପାଇଛି କି? ତାହା ସ୍ପଷ୍ଟ କରିବାକୁ କୋର୍ଟ କହିଛନ୍ତି।