ନୂଆଦିଲ୍ଲୀ : ଆମେରିକାର ପ୍ରତିରକ୍ଷା ସଚିବ ଲୟଡ ଜେ. ଅଷ୍ଟିନ ଏକ ତିନିଦିନିଆ ଭାରତ ଗସ୍ତରେ ଆସି ନୂଆଦିଲ୍ଲୀରେ ପହଞ୍ଚିଛନ୍ତି । ଏହା ତାଙ୍କର ପ୍ରଥମ ଭାରତ ଗସ୍ତ । ନିଜର ଜାପାନ ଓ ଦକ୍ଷିଣ କୋରିଆ ଗସ୍ତ ସାରି ସେ ଭାରତରେ ପହଞ୍ଚିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିଜର ଏହି ଗସ୍ତ କାଳରେ ସେ ଶନିବାରଦିନ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଭେଟିବେ । ଏହି ଅବସରରେ ଉଭୟ ପକ୍ଷ କେତେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଯଥା ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳ ବା ଇଣ୍ଡୋ ପାସିଫିକ ଅଞ୍ଚଳର ନିରାପତ୍ତା, ଚୀନର ବଢିଚାଲିଥିବା ଆଧିପତ୍ୟ, ଆଫଗାନିସ୍ତାନରେ ଯୁଦ୍ଧ ବିରତି ଓ ଶାନ୍ତିପ୍ରତିଷ୍ଠା ଉପରେ ଆଲୋଚନା କରିବାର ସମ୍ଭାବନା ରହିଛି ।
Thrilled to be here in India. The breadth of cooperation between our two nations reflects the significance of our major defense partnership, as we work together to address the most pressing challenges facing the Indo-Pacific region. pic.twitter.com/0wA88ERrDn
— Secretary of Defense Lloyd J. Austin III (@SecDef) March 19, 2021
ଭାରତରେ ପହଞ୍ଚିବା ପରେ ସେ ଟ୍ବିଟ କରି ଲେଖିଛନ୍ତି ଯେ ଭାରତରେ ପହଞ୍ଚି ସେ ରୋମାଞ୍ଚିତ । ଦୁଇ ଦେଶମଧ୍ୟରେ ବଢିଚାଲିଥିବା ସହଯୋଗିତା ଆମ ପ୍ରତିରକ୍ଷା ଭାଗିଦାରିତାର ଗୁରୁତ୍ବକୁ ଦର୍ଶାଉଛି । ଇଣ୍ଡୋ ପାସିଫିକ ଅଂଚଳ ସମ୍ମୁଖୀନ ହେଉଥିବା ବିପଦକୁ ଦୂର କରିବାକୁ ଦୁଇଦେଶ କାମ କରିବେ ।
ଜୋ ବାଇଡେନ ରାଷ୍ଟ୍ରପତି ହେବା ପରେ ସେ ଟ୍ରମ୍ପଙ୍କ ଇଣ୍ଡୋ-ପାସିଫିକ ନୀତିକୁ ଆଗେଇ ନେଉଥିବାର ସଂକେତ ପ୍ରଦାନ କରିଛନ୍ତି । କିଛିଦିନ ତଳେ ସେ ପ୍ରଥମ କ୍ବାଡ୍ ସମ୍ମିଳନୀରେ ଯୋଗ ଦେଇ ଏହି ସଂଗଠନର ଗୁରୁତ୍ବକୁ ପ୍ରମାଣିତ କରିଥିଲେ ।