ଓ୍ଵାସିଂଟନ: ଆମେରିକାର ପାଇଲଟ ବିହୀନ ଯୁଦ୍ଧ ବିମାନ ବା ଡ୍ରୋନ ପ୍ରିଡେଟରର ଜବାବ ବିଶ୍ୱର ଅନ୍ୟ କୌଣସି ଦେଶଙ୍କ ପାଖରେ ନାହିଁ । ଇସ୍ରାଏଲକୁ ଛାଡିଦେଲେ ଅନେକ ଦେଶ ଏହି ଟେକନଲୋଜୀରେ ସେତେଟା ଅଗ୍ରଗତି କରିନାହାନ୍ତି । ଏବେ ପାଣିରେ ଚାଲୁଥିବା ଡ୍ରୋନ ବାହାର କରଛି ଆମେରିକା । ଏହି ନୂଆ ଉଦ୍ଭାବନ ସହ ଆମେରିକୀୟ ପ୍ରତିରକ୍ଷା ସଂସ୍ଥା ପେଣ୍ଟାଗନ ନିଜର ସାମରିକ ଶକ୍ତିକୁ ଅପରାଜେୟ କରିବାକୁ ଲକ୍ଷ୍ୟ ରଖିଛି । ନିକଟରେ ଏହାକୁ ଆମେରିକା ନୌସେନାରେ ସାମିଲ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ପେଣ୍ଟାଗନର ପ୍ରତିରକ୍ଷା ଗବେଷଣା ସଂସ୍ଥା ଡାର୍ପା ଦ୍ୱାରା ବିକଶିତ ଏହି ଡ୍ରୋନ ଜାହାଜର ନାଁ ରଖାଯାଇଛି ‘ସି ହଣ୍ଟର’ । ତେବେ ଏହାର ଟେକନିକାଲ ନାଁ ହେଉଛି ଆଣ୍ଟି ସବମେରିନ ଓ୍ଵାରଫେୟାର କଣ୍ଟିନିୟସ ଟ୍ରେଲ୍ ଅନମ୍ୟାନଡ୍ ଭେସେଲ ବା ଏସି-ଟୁଭ ।ଏହି ଜାହାଜରେ କେହି ମଣିଷ ରହିବା ଆବଶ୍ୟକ ନାହିଁ । ଚାଳକ ବିହୀନ ଏହି ଜାହାଜଟି ଥରେ ଇନ୍ଧନ ଭର୍ତ୍ତି କଲେ ପ୍ରାୟ ୮ ହଜାର କିଲୋମିଟର ଯାତ୍ରା କରିପାରିବ । ଶତ୍ରୁପକ୍ଷର ବୁଡ଼ାଜାହାଜ, ମାଇନ୍ସ, ଯୁଦ୍ଧଜାହଜକୁ ବହୁ ଆଗରୁ ଠାବ କରି ଏହା ଧ୍ୱଂସ କରିପାରିବ ।
ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ଆମେରିକାର ପ୍ରତିପତ୍ତିକୁ ହ୍ରାସ କରିବାକୁ ଚୀନ, ଋଷିଆ ପରି ଦେଶ ବିଗତ ଅନେକ ବର୍ଷ ହେଲା ଉଦ୍ୟମ କରିଚାଲିଛନ୍ତି । କିନ୍ତୁ ନିଜର ସୁପରପାଓ୍ଵାର ଆସନକୁ ସୁରକ୍ଷିତ ରଖିଆସିଛି ଆମେରିକା । ଆମେରିକା ମହାଶକ୍ତିଶାଳୀ ହେବାର ଏକ ବଡ଼ କାରଣ ହେଉଛି ଏହାର ଅତ୍ୟାଧୁନିକ ଟେକନଲୋଜୀ । ଟେକନଲୋଜୀ କ୍ଷେତ୍ରରେ ଆଜି ବି ଆମେରିକାର ସମକକ୍ଷ କେହି ନାହିଁ । ଏକଥା ଆଉ ଥରେ ପ୍ରମାଣିତ କରିଛି ଆମେରିକା ।