ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସାମୟିକ ଆଶ୍ବସ୍ତି। ଘୁଞ୍ଚାଇଲେ ଶୁଳ୍କ ଲାଗୁ କରିବାର ତାରିଖ। ବୁଧବାର (୩୦ ଜୁଲାଇ) ଭାରତ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରିବା ନେଇ ଘୋଷଣା କରିଥିଲେ ଟ୍ରମ୍ପ, ଯାହା ଅଗଷ୍ଟ ୧ ତାରିଖରୁ କାର୍ଯ୍ୟକାରୀ ହେବାର ଥିଲା। କିନ୍ତୁ ଏବେ ଭାରତକୁ ଗୋଟିଏ ସପ୍ତାହ ସମୟ ମିଳିଛି। ଏହି ସମୟ ସୀମା ବୃଦ୍ଧି ଯୋଗୁଁ ଭାରତ ସହିତ, ୯୬ଟି ଦେଶକୁ ଆଶ୍ୱସ୍ତି ମିଳିଛି। ହ୍ୱାଇଟ୍ ହାଉସ୍ କହିଛି ଯେ, ନୂତନ ଶୁଳ୍କ ୭ ଅଗଷ୍ଟ, ୨୦୨୫ ରୁ କାର୍ଯ୍ୟକାରୀ ହେବ।

Advertisment

ଟ୍ରମ୍ପ ଭାରତ ଉପରେ ୨୫ ପ୍ରତିଶତ, ପାକିସ୍ତାନ ଉପରେ ୧୯ ପ୍ରତିଶତ, ବାଂଲାଦେଶ ଉପରେ ୨୦ ପ୍ରତିଶତ ଏବଂ ଆଫଗାନିସ୍ତାନ ଉପରେ ୧୫ ପ୍ରତିଶତ ଶୁଳ୍କ ଲଗାଇଥିଲେ। ଏହିପରି, ଅନେକ ଦେଶ ଶୁଳ୍କ ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି, କିନ୍ତୁ ଏବେ ନୂତନ ଶୁଳ୍କକୁ ଗୋଟିଏ ସପ୍ତାହ ପାଇଁ ସ୍ଥଗିତ ରଖାଯାଇଛି। ଟ୍ରମ୍ପ କହିଛନ୍ତି ଯେ ନୂତନ ଶୁଳ୍କ ଆମେରିକାକୁ ଆର୍ଥିକ ଶକ୍ତି ଦେବ ଏବଂ ବାଣିଜ୍ୟ ସନ୍ତୁଳନ ମଧ୍ୟ ବଜାୟ ରଖିବ।

ଆମେରିକା, ଭାରତ ଉପରେ ଶୁଳ୍କ ଲାଗୁ କରିବା ପଛର କାରଣ ହେଉଛି ଚାପ ବୃଦ୍ଧି କରିପାରିବ। ଦୁଇ ଦେଶ ମଧ୍ୟରେ ବାଣିଜ୍ୟ ଚୁକ୍ତି ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ। ଆମେରିକା ଏବଂ ଭାରତ ମଧ୍ୟରେ ଅନେକ ଥର ଆଲୋଚନା ହୋଇଛି। ଦକ୍ଷିଣ ଏବଂ ମଧ୍ୟ ଏସୀୟ ବ୍ୟାପାର ପାଇଁ ସହାୟକ ବିଦେଶ ସଚିବ ଭାବରେ କାର୍ଯ୍ୟ କରିଥିବା ନିଶା ବିଶ୍ୱାଲ ମଧ୍ୟ କହିଥିଲେ ଯେ ଆମେରିକାର ଶୁଳ୍କ ଲାଗୁ କେବଳ ଏକ ରଣନୈତିକ ପଦକ୍ଷେପ। ସେ ଭାରତ ଉପରେ ଚାପ ପକାଇବାକୁ ଚାହୁଁଛନ୍ତି।

ଶୁଳ୍କ (ଟାରିଫ୍‌) ଭୟ ଦେଖାଇ ବିଭିନ୍ନ ଦେଶକୁ ଚାପଗ୍ରସ୍ତ କରି ସୁହାଇବା ଭଳି ବାଣିଜ୍ୟ ରାଜିନାମା ହାସଲ କରିବାରେ ସଫଳ ହୋଇଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତକୁ ନୁଆଁଇବାର ବିଫଳତାକୁ ସହଜରେ ଗ୍ରହଣ କରିପାରୁନାହାନ୍ତି। ଭାରତ ସହ ବାଣିଜ୍ୟ ରାଜିନାମା ସଫଳ ହେଉନଥିବାରୁ ଉତ୍‌କ୍ଷୀପ୍ତ ହୋଇ ସେ ଅନେକ କଟୁ କଥା କହିବା ଆରମ୍ଭ କରିଛନ୍ତି। ଭାରତ ଉପରେ ସେ ପ୍ରବଳ ଚାପ ପ୍ରୟୋଗ କରୁଛନ୍ତି। ଏଥି ସହିତ ସେ ଏକ ଅଜବ ବାଣିଜ୍ୟ ନୀତି ଗ୍ରହଣ କରି ପାକିସ୍ତାନ ସହ ବନ୍ଧୁତା କରିଥିବା ବେଳେ ଭାରତକୁ ନିନ୍ଦା କରିବାକୁ ପଛାଇ ନାହାନ୍ତି।