କିଏ ମାରିବ ବାଜି: ଜିତିବା ପାଇଁ ବାଇଡେନଙ୍କୁ ଦରକାର ୬ ଓ ଟ୍ରମ୍ପଙ୍କୁ ଦରକାର ୫୬ଭୋଟ
ନୂଆଦିଲ୍ଲୀ: ଆମେରିକାରେ କିଏ କରିବ ଶାସନ? କାହାକୁ ମିଳିବ ରାଷ୍ଟ୍ରପତି ପଦ? ସେ ନେଇ ଚର୍ଚ୍ଚା ଚାଲିଥିବା ବେଳେ ଡେମୋକ୍ରାଟିକ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଜୋ ବାଇଡେନ୍ ଜିତିବା ନେଇ ସମ୍ଭାବନା ବଢ଼ିଚାଲିଛି। ବର୍ତ୍ତମାନ ପର୍ଯ୍ୟନ୍ତ ବାଇଡେନ୍ ଆଗରେ ରହିଛନ୍ତି। ନିର୍ବାଚନ ଜିତିବାକୁ ୨୭୦ ଇଲେକ୍ଟୋରାଲ୍ ଭୋଟ୍ ଆବଶ୍ୟକ ଥିବା ବେଳେ ବାଇଡେନଙ୍କୁ ୨୬୪ଭୋଟ ମିଳିସାରିଛି। ନିର୍ବାଚନ ଜିତିବା ପାଇଁ ତାଙ୍କୁ ଆଉ ମାତ୍ର ୬ଟି ଭୋଟର ଆବଶ୍ୟକତା ରହିଛି। ଅନ୍ୟ ପକ୍ଷରେ ରିପବ୍ଳିକାନ୍ ପ୍ରାର୍ଥୀ ତଥା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କିଛି ରାଜ୍ୟରେ ଆଗୁଆ ରହିଥିଲେ ମଧ୍ୟ ତାଙ୍କୁ ନିର୍ବାଚନ ଜିତିବା ପାଇଁ ୫୬ଭୋଟର ଆବଶ୍ୟକତା ରହିଛି। ବର୍ତ୍ତମାନ ପର୍ଯ୍ୟନ୍ତ ଡୋନାଲ୍ଡ ଟ୍ରମ୍ପଙ୍କୁ ମୋଟ ୨୧୪ଭୋଟ୍ ମିଳିଛି।
Sambad is now on WhatsApp
Join and get latest news updates delivered to you via WhatsApp
ବତ୍ତର୍ମାନ ପ୍ରାୟ ୫ଟି ରାଜ୍ୟରେ ଗଣନା ଜାରି ରହିଛି, ଅଧିକାଂଶ ରାଜ୍ୟରେ ଡୋନାଲ୍ଡ ଟ୍ରମ୍ପ ଆଗୁଆ ଅଛନ୍ତି, ତେଣୁ ଶେଷରେ ଫଳାଫଳ କଣ ହେବ ତାହା ଏବେଠାରୁ କହିହେବ ନାହିଁ।
ପେନସିଲଭାନିଆ – ୨୦ଭୋଟ – ଡୋନାଲ୍ଡ ଟ୍ରମ୍ପ ଆଗରେ |
ଉତ୍ତର କାରୋଲିନା – ୧୫ଭୋଟ – ଡୋନାଲ୍ଡ ଟ୍ରମ୍ପ ଆଗରେ |
ଜର୍ଜିଆ – ୧୬ ଭୋଟ୍ – ଡୋନାଲ୍ଡ ଟ୍ରମ୍ପ ଆଗରେ।
ଆଲାସ୍କା – ୩ଭୋଟ୍ – ଡୋନାଲ୍ଡ ଟ୍ରମ୍ପ ଆଗରେ |
ନେବାଦା – ୬ ଭୋଟ – ଜୋ ବାଇଡେନ ଆଗରେ |
ସାମ୍ପ୍ରତିକ ପରିସ୍ଥିତି ଅନୁଯାୟୀ, ୫୪ଭୋଟ୍ ଡୋନାଲ୍ଡ ଟ୍ରମ୍ପଙ୍କ ସପକ୍ଷରେ ଯାଉଥିବାବେଳେ ସଂଖ୍ୟାଗରିଷ୍ଠତା ପାଇଁ ତାଙ୍କୁ ୫୬ଭୋଟ୍ ଆବଶ୍ୟକ | କିନ୍ତୁ ଜୋ ବାଇଡେନଙ୍କୁ ଜିତିବା ପାଇଁ ୬ଟି ଭୋଟର ଆବଶ୍ୟକତା ରହିଥିବା ବେଳେ ନେବାଦାରୁ ୬ଭୋଟ ତାଙ୍କ ସପକ୍ଷରେ ରହିଛି। ବର୍ତ୍ତମାନର ସ୍ଥିତିକୁ ଦେଖି ବାଇଡେନଙ୍କ ଜିତିବାର ସମ୍ଭାବନା ଅଧିକ ବଢ଼ିଯାଇଛି। ନେବାଦାରେ ବର୍ତ୍ତମାନ ପର୍ଯ୍ୟନ୍ତ କେବଳ ୭୫ପ୍ରତିଶତ ଭୋଟ୍ ଗଣନା କରାଯାଇଛି। ଯଦି ଡୋନାଲ୍ଡ ଟ୍ରମ୍ପ ନେବାଦାରେ ଜୋ ବାଇଡେନଙ୍କୁ ପଛରେ ପକାଇଦିଅନ୍ତି, ତେବେ ସଂଖ୍ୟାଗରିଷ୍ଠତା ତାଙ୍କ ସପକ୍ଷରେ ଯାଇପାରେ।