ନୂଆଦିଲ୍ଲୀ : ଆମେରିକା ଦ୍ୱାରା ଭାରତକୁ ଏସଟିଏ-୧ ସହଯୋଗୀ ଦେଶମାନ୍ୟତା ଦେବା ଚୀନ ମୁହଁରେ ଏକ ଶକ୍ତ ଚାପୁଡ଼ା ପରି ହୋଇଛି । କାରଣ ଏହା ଦ୍ୱାରା ଭାରତକୁ ବିଭିନ୍ନ ଅତ୍ୟାଧୁନିକ ସାମରିକ ଟେକନଲୋଜୀ ହସ୍ତାନ୍ତର ସହଜ ହୋଇଯିବ । ଭାରତ ଯେପରି ଆମେରିକାର ସାମରିକ ସହଯୋଗୀ ହୋଇନପାରିବ ସେଥିଲାଗି ଚୀନ ଅନେକ ବର୍ଷ ହେଲା ଉଦ୍ୟମ କରିଆସୁଥିଲା । କିନ୍ତୁ ଏବେ ଚୀନ ନିଜ ଚକ୍ରାନ୍ତରେ ବିଫଳ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ଏକ ଆଇନ ଅନୁସାରେ ଅନ୍ତର୍ଜାତୀୟ ସ୍ତରରେ ଥିବା ୪ଟି ମୁଖ୍ୟ ପ୍ରଯୁକ୍ତି ନିୟନ୍ତ୍ରଣ ଚୁକ୍ତି ଏନଏସଜି, ମିସାଇଲ ଟେକନଲୋଜୀ କଣ୍ଟ୍ରୋଲ ରେଜିମ, ଓ୍ଵାସେନାର ଆରେଞ୍ଜମେଣ୍ଟ ଓ ଅଷ୍ଟ୍ରେଲିଆ ଗ୍ରୁପର ସଦସ୍ୟ ନହେଲା ପର୍ଯ୍ୟନ୍ତ ଭାରତ କିମ୍ବା ଅନ୍ୟ କୌଣସି ଦେଶକୁ ଆମେରିକା ଗୁରୁତ୍ୱପୂର୍ଣ୍ଣ ସାମରିକ ଟେକନଲୋଜୀ ହସ୍ତାନ୍ତର କରିପାରିବ ନାହିଁ । ଭାରତ ଏନଏସଜିକୁ ଛାଡି ଅନ୍ୟ ୩ଟିର ସଦସ୍ୟ ହୋଇଯାଇଛି । କିନ୍ତୁ ଭାରତର ଏନଏସଜି ସଦସ୍ୟତା ପଛରେ ଚୀନ ସବୁବେଳେ ପ୍ରତିବନ୍ଧକ ଭାବେ ଦେଖାଦେଇଛି । ଏପରି କରିବା ଦ୍ୱାରା ଚୀନ ଭାରତ ଯେପରି ଆମେରିକାଠାରୁ ଟେକନଲୋଜୀ ନ ପାଇପାରିବ ତାହା ନିଶ୍ଚିତ କରୁଥିଲା । କିନ୍ତୁ ମୋଦି ସରକାରଙ୍କ ବିଚକ୍ଷଣ କୂଟନୀତି ଯୋଗୁଁ ଏବେ ଟ୍ରମ୍ପ ପ୍ରଶାସନ ଉକ୍ତ ଆଇନରେ ସଂଶୋଧନ କରି ଭାରତକୁ ନାଟୋ ସମକକ୍ଷ ମାନ୍ୟତା ଦେଇଛନ୍ତି । ଏହା ଚୀନ ଗାଲରେ ମୋଦିଙ୍କ ଏକ ଶକ୍ତ ଚାପୁଡ଼ା ସଦୃସ ହୋଇଛି ବୋଲି ଆଲୋଚନା ହେଉଛି ।