ଆମେରିକା-ଇରାନ ଯୁଦ୍ଧ ଲାଗିଲେ ଭାରତର ଜରୁରୀକାଳୀନ ଭଣ୍ଡାରରେ ଥିବା ତେଲ ମାତ୍ର ୯ ଦିନରେ ଶେଷ ହୋଇଯିବ
ନୂଆଦିଲ୍ଲୀ : ଆମେରିକା ଓ ଇରାନ ମଧ୍ୟରେ ତୀକ୍ତତା ଚରମ ସୀମାରେ ପହଞ୍ଚିଛି । ଉଭୟ ପକ୍ଷ ମଧ୍ୟରେ ଯେକୌଣସି ସମୟରେ ଯୁଦ୍ଧ ଲାଗିପାରେ । ଏପରି ହେଲେ ଭାରତ ପ୍ରଭୃତି ତେଲ ଆମଦାନୀକାରୀ ଦେଶ ସର୍ବାଧିକ କ୍ଷତିଗ୍ରସ୍ତ ହେବାର ଆଶଙ୍କା ରହିଛି । କାରଣ ଭାରତ, ଚୀନ, ଜାପାନ ଓ ଅନ୍ୟାନ୍ୟ ଏସୀୟ ଦେଶକୁ ଇରାନ ଜଳସୀମାରେ ଆସୁଥିବା ଷ୍ଟ୍ରେଟ ଅଫ ହରମୁଜ ଦେଶ ତୈଳ ଆମଦାନୀ କରନ୍ତି । ଭାରତକୁ ଆସୁଥିବା ମୋଟ ତୈଳର ୫୦ ପ୍ରତିଶତରୁ ଅଧିକ ତେଲ ଏହି ଷ୍ଟ୍ରେଟ ଅଫ ହରମୁଜ ଦେଇ ଆସିଥାଏ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଆମେରିକା ଯଦି ଇରାନ ଉପରେ ଆକ୍ରମଣ କରେ, ତେବେ ଇରାନ ଏହି ଷ୍ଟ୍ରେଟ ଅଫ ହରମୁଜକୁ ବନ୍ଦ କରିବାର ସମ୍ଭାବନା ରହିଛି । ଏପରି ହେଲେ ଭାରତକୁ ତେଲ ଏହି ବାଟ ଦେଇ ଆସିପାରିବ ନାହିଁ । ଯଦି ଏପରି ସ୍ଥିତି ଉପୁଜେ ତେବେ ଭାରତର ଜରୁରୀକାଳୀନ ତୈଳଭଣ୍ଡାରରେ ଥିବା ତେଲ ମାତ୍ର ସାଢେ ୯ ଦିନରେ ସମାପ୍ତ ହୋଇଯିବ ବୋଲି ବିଶେଷଜ୍ଞମାନେ ଆଶଙ୍କା ପ୍ରକାଶ କରିଛନ୍ତି । ଭାରତୀୟ ଜରୁରୀକାଳୀନ ତୈଳ ଭଣ୍ଡାରରେ ପ୍ରାୟ ୩୯.୧ ନିୟୁତ ବ୍ୟାରେଲ ତେଲ ରହିଛି । କିନ୍ତୁ ଚୀନର ଜରୁରୀକାଳୀନ ତୈଳ ଭଣ୍ଡାରରେ ପ୍ରାୟ ୫୫୦ ନିୟୁତ ବ୍ୟାରେଲ ଓ ଆମେରିକାର ଜରୁରୀକାଳୀନ ତୈଳ ଭଣ୍ଡାରରେ ପ୍ରାୟ ୬୪୫ ନିୟୁତ ବ୍ୟାରେଲ ତେଲ ରହିଛି ।