ଓ୍ଵାସିଂଟନ୍‌: ବିଦେଶରେ ଥିବା ଯୁକ୍ତରାଷ୍ଟ୍ର ଆମେରିକୀୟ କର୍ମଚାରୀମାନଙ୍କ ସୁରକ୍ଷା ନିମନ୍ତେ ପ୍ରତିଷେଧକ ବ୍ୟବସ୍ଥା ଭାବେ ‘ଇରାନ୍‌ ରିଭୋଲ୍ୟୁସ୍‌ନାରି ଗାର୍ଡସ୍‌’ କମାଣ୍ଡର୍‌ କାଶିମ୍‌ ସୁଲେମାନିଙ୍କୁ ହତ୍ୟା କରିବାକୁ ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ ଆଦେଶ ଦେଇଥିଲେ ବୋଲି ପେଣ୍ଟାଗନ୍‌ କହିଛି।

Advertisment

ପ୍ରତିରକ୍ଷା ବିଭାଗ ପେଣ୍ଟାଗନ୍‌ କହିଛି: ଇରାକ୍‌ ଏବଂ ସମଗ୍ର ଇରାକ୍‌ ଅଞ୍ଚଳରେ ଥିବା ଆମେରିକୀୟ କୁଟନୀତିଜ୍ଞ ଏବଂ ଚାକିରିରେ ଥିବା କର୍ମଚାରୀମାନଙ୍କୁ ଆକ୍ରମଣ କରିବାକୁ ଜେନେରାଲ୍‌ ସୁଲେମାନି ଷଡ଼ଯନ୍ତ୍ର କରିବାରେ ସକ୍ରିୟ ଥିଲେ। ଶହ ଶହ ଆମେରିକୀୟ ଏବଂ ମିଳିତ ସେବା ସଦସ୍ୟମାନଙ୍କ ମୃତ୍ୟୁ ଏବଂ ଆହୁରି ହଜାର ହଜାର ଆମେରିକୀୟଙ୍କ ଆହତ ଘଟଣା ଲାଗି ଜେନେରାଲ୍‌ ସୁଲେମାନି ଏବଂ ତାଙ୍କ ‘କୁଦ୍‌ସ୍‌ ଫୋର୍ସ’ ଦାୟୀ।

publive-image Image Source: NDTV

ସୁଲେମାନିଙ୍କ ମୃତ୍ୟୁ ପରେ ଅଧିକ କୌଣସି କୈଫୟତ୍‌ ନ ଦେଇ ଟ୍ରମ୍ପ୍‌ କେବଳ ଯୁକ୍ତରାଷ୍ଟ୍ର ଆମେରିକାର ଗୋଟାଏ ପତାକା ଚିତ୍ର ଟୁଇଟ୍‌ କରିଛନ୍ତି।

ବାଗ୍‌ଦାଦ୍‌ ଆନ୍ତର୍ଜାତିକ ବିମାନ ବନ୍ଦରରେ ହୋଇଥିବା ଏହି ରକେଟ୍‌ ଆକ୍ରମଣ ଯୋଗୁଁ ଇରାନ୍‌ର ‘କୁଦ୍‌ସ୍‌ ଫୋର୍ସ’ର ମୁଖ୍ୟ ଜେନେରାଲ୍‌ କାଶିମ୍‌ ସୁଲେମାନି ନିହତ ହୋଇଥିବା କଥା ଇରାକ୍‌ର ଟେଲିଭିଜନ୍‌ ଏବଂ ଇରାକ୍‌ ସରକାରଙ୍କର ତିନିଜଣ ଅଧିକାରୀ ଶୁକ୍ରବାର ସକାଳେ କହିଥିଲେ।

ଇରାନ୍‌ ସମର୍ଥିତ ପାରାମିଲିଟାରି ଫୋର୍ସର ଜଣେ ଅଧିକାରୀ କହିଥିଲେ ଯେ ବାଗ୍‌ଦାଦ୍‌ ଆନ୍ତର୍ଜାତିକ ବିମାନ ବନ୍ଦରରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରେ ୭ ଜଣ ବ୍ୟକ୍ତି ନିହତ ହୋଇଛନ୍ତି। ଯୁକ୍ତରାଷ୍ଟ୍ର ଆମେରିକା ଏହି ଆକ୍ରମଣ କରିଛି ବୋଲି ସେ ଅଭିଯୋଗ କରିଥିଲେ।