ରୁଷୀୟ ‘ଏସ୍-୪୦୦’ ବିକଳ୍ପ ଭାବେ ଭାରତକୁ ‘ଥାଡ୍’ ବିକ୍ରୟ କରିବା ପାଇଁ ଯୁକ୍ତରାଷ୍ଟ୍ର ଆମେରିକାର ପ୍ରସ୍ତାବ
ଓ୍ଵାସିଂଟନ୍: ରୁଷ୍ ନିର୍ମିତ ‘ଏସ୍-୪୦୦’ ବିକଳ୍ପ ଭାବେ ଭାରତକୁ ‘ଟର୍ମିନାଲ୍ ହାଇ ଆଲ୍ଟିଚ୍ୟୁଡ୍ ଏରିଆ ଡିଫେନ୍ସ୍’ (ଥାଡ୍) ଏବଂ ‘ପାଟ୍ରିୟଟ୍ ଅଡ୍ଭାନ୍ସ୍ କ୍ୟାପାବିଲିଟି (ପାକ୍-୩) କ୍ଷେପଣାସ୍ତ୍ର ପ୍ରତିରକ୍ଷା ସିଷ୍ଟମ୍ ବିକ୍ରୟ କରିବାକୁ ଯୁକ୍ତରାଷ୍ଟ୍ର ଆମେରିକା ପ୍ରସ୍ତାବ ଦେଇଛି। କିଛି ସପ୍ତାହ ତଳେ ଟ୍ରମ୍ପ୍ ପ୍ରଶାସନ ଏହି ଅଫର୍ ଦେଇଥିବା କଥା ଜଣାପଡ଼ିଛି। କିନ୍ତୁ, ରୁଷ୍ ସହ ରାଜିନାମା ହେବାର ବହୁବର୍ଷ ପରେ ନିକଟ ଭବିଷ୍ୟତରେ ‘ଏସ୍-୪୦୦’ ହାସଲ କରିବାକୁ ଯାଉଥିବା କଥା ଭାରତ କହିଛି।
Sambad is now on WhatsApp
Join and get latest news updates delivered to you via WhatsApp
ରୁଷ୍ ଠାରୁ ଏହାକୁ ଖରିଦ କଲେ ଭାରତ ଉପରେ ଯୁକ୍ତରାଷ୍ଟ୍ର ଆମେରିକା କଟକଣା ଲଗାଇବାର ସମ୍ଭାବନା ଥିଲା। ଗତ ସେପ୍ଟେମ୍ବର ମାସରେ ଯୁକ୍ତରାଷ୍ଟ୍ର ଆମେରିକା ଓ ଭାରତ ମଧ୍ୟରେ ୨+୨ ବୈଠକ ବସିବା ପରେ କଟକଣା ପ୍ରତ୍ୟାହାର କରିବାକୁ ଆମେରିକା ରାଜି ହୋଇଥିଲା।
‘ଥାଡ୍’ର ପ୍ରକୃତ ମୂଲ୍ୟ ଜଣାପଡ଼ି ନ ଥିଲେ ମଧ୍ୟ ଗୋଟିକର ମୂଲ୍ୟ ହାରାହାରି ୩ ବିଲିୟନ୍ ଡଲାର୍ ବୋଲି ସିଏନ୍ବିସି ରିପୋର୍ଟ କରିଛି। ୬ଟି ଲଞ୍ଚର୍ ଥିବା ୪୪ଟି ‘ଥାଡ୍’ ଲଞ୍ଚର୍ ଏବଂ କ୍ଷେପଣାସ୍ତ୍ର କ୍ରୟ କରିବାକୁ ଗତ ନଭେମ୍ବର ମାସରେ ସାଉଦି ଆରବ ଯୁକ୍ତରାଷ୍ଟ୍ର ଆମେରିକା ସହ ରାଜିନାମା କରିଛି। ଏହା ତୁଳନାରେ ଭାରତ ୫. ୪ ବିଲିୟନ୍ ଡଲାର୍ ମୂଲ୍ୟରେ ୮ଟି ଲଞ୍ଚ୍ର୍ ଥିବା ୫ଟି ‘ଏସ୍-୪୦୦’ ପାଇବ।